ហ្វីលីពីន ជួបគ្រោះរញ្ជួយដីខ្លាំងក្លាកម្រិត ៧.៣ រ៉ិចទ័រ និងអាចបង្កការខូចខាតធ្ងន់ធ្ងរ

វិទ្យាស្ថានភ្នំភ្លើង និងរញ្ជួយដីហ្វីលីពីនបាននិយាយថា គ្រោះរញ្ជួយដីនៅឯនាយសមុទ្រកម្រិត ៧.៣ រ៉ិចទ័រ បានវាយប្រហារខេត្ត Davao Oriental ភាគខាងត្បូងប្រទេសហ្វីលីពីន នៅថ្ងៃព្រហស្បតិ៍នេះ ។

វិទ្យាស្ថាននេះបាននិយាយថា ការរញ្ជួយដីដែលបានកើតឡើងនៅវេលាម៉ោង ១ និង ៤៦ នាទីព្រឹក បានវាយប្រហារនៅជម្រៅ ៦៩ គីឡូម៉ែត្រ ចម្ងាយប្រហែល ៦៧ គីឡូម៉ែត្រភាគអាគ្នេយ៍នៃទីក្រុង Governor Generoso ។

ទីភ្នាក់ងារនេះបាននិយាយថា គ្រោះរញ្ជួយដីនេះអាចបង្កឲ្យមានការរំញ័រ និងបង្កការខូចខាតធ្ងន់ធ្ងរ ហើយវាត្រូវបានគេដឹងនៅបន្តកើតឡើងនៅខេត្ត South Cotabato នៅលើកោះ Mindanao និងរហូតដល់ខេត្ត Leyte នៅភាគកណ្តាលប្រទេសហ្វីលីពីន ។

គួរបញ្ជាក់ថា ហ្វីលីពីនមានសកម្មភាពគ្រោះរញ្ជួយដីញឹកញាប់ ដោយសារតែទីតាំងរបស់ប្រទេសនេះ ស្ថិតនៅតាមបណ្តោយខ្សែក្រវ៉ាត់មហាសមុទ្រប៉ាស៊ីហ្វិក “Ring of Fire” ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ខណៈវីរុស Delta កំពុងវាយលុកខ្លាំង មន្ទីរពេទ្យរាប់រយកន្លែងនៅ ហ្វីលីពីន ប្រកាសអាសន្នជិតអស់សមត្ថភាពដាក់អ្នកជំងឺកូវីដ