ព័ត៌មានអន្ដរជាតិ
តាលីបង់ រារាំងមន្ត្រីរដ្ឋាភិបាល អាហ្វហ្គានីស្ថាន មិនឲ្យចូលធ្វើការ ដោយប្រាប់ពួកគេមើលទូរទស្សន៍ ឬស្ដាប់វិទ្យុរង់ចាំការជូនដំណឹង
បុគ្គលិករដ្ឋាភិបាលអាហ្វហ្គានីស្ថាននៅទីក្រុងកាប៊ុល ត្រូវបានក្រុមសកម្មប្រយុទ្ធតាលីបង់រារាំងមិនឲ្យវិលត្រឡប់ចូលធ្វើការវិញ ដោយប្រាប់ពួកគេឲ្យមើលទូរទស្សន៍ ឬស្ដាប់វិទ្យុដើម្បីទទួលបានការជូនដំណឹងថា នៅពេលណាទើបការិយាល័យរដ្ឋាភិបាលបើកឡើងវិញ ។
ចាប់តាំងពីក្រុមឥស្លាមនិយមបានដណ្តើមអំណាចកាលពី ៦ ថ្ងៃមុន អគាររដ្ឋាភិបាល ធនាគារការិយាល័យលិខិតឆ្លងដែន សាលារៀន និងសាកលវិទ្យាល័យនៅតែត្រូវបានបិទទ្វារ ខណៈមានតែក្រុមហ៊ុនទូរគមនាគមន៍ឯកជនមួយចំនួនប៉ុណ្ណោះ ដែលបានដំណើរការនៅប៉ុន្មានថ្ងៃចុងក្រោយនេះ ។
រហូតមកដល់ពេលនេះ ក្រុមតាលីបង់មិនទាន់បង្កើតរដ្ឋាភិបាលនៅឡើយទេ បន្ទាប់ពីបានឡើងកាន់អំណាចក្នុងល្បឿនមួយដែលធ្វើឲ្យពិភពលោកភ្ញាក់ផ្អើល ។
ទន្ទឹមនោះ ផ្លូវថ្នល់ភាគច្រើននៅក្នុងរដ្ឋធានីត្រូវបានក៏ត្រូវបានបិទ ដើម្បីទុកច្រកសម្រាប់ក្រុមតាលីបង់ត្រួតពិនិត្យ និងការល្បាតរបស់ពួកសកម្មប្រយុទ្ធ ។
បុគ្គលិកម្នាក់បានប្រាប់ AFP ថា “ផ្លូវដែលនាំទៅដល់ក្រសួងការបរទេសនៅកណ្តាលទីក្រុងកាប៊ុល ក៏ត្រូវបានបិទផងដែរ ។ ពួកគេមិនអនុញ្ញាតឲ្យនរណាម្នាក់ចូលក្នុងអគារក្រសួងទេ ហើយម្នាក់ក្នុងចំណោមពួកគេថែមទាំងប្រាប់ខ្ញុំថា ត្រូវរង់ចាំរហូតដល់មេដឹកនាំថ្មីត្រូវបានតែងតាំង” ។
គួរបញ្ជាក់ថា កាលពីថ្ងៃទី ១៥ ខែសីហា ក្រុមតាលីបង់បានចូលរដ្ឋធានីកាប៊ុលរបស់អាហ្វហ្គានីស្ថាន ។ លោកប្រធានាធិបតី Ashraf Ghani បានលាលែងពីតំណែង ហើយភៀសខ្លួនចេញពីប្រទេសដើម្បីបញ្ចៀសការបង្ហូរឈាម ប្រសិនបើក្រុមបះបោរត្រូវប្រយុទ្ធដើម្បីទីក្រុងនេះ ខណៈប្រទេសផ្សេងៗបានកាត់បន្ថយ ឬជម្លៀសបេសកកម្មការទូតរបស់ខ្លួននៅទីក្រុងកាប៊ុល ៕
ប្រែសម្រួលដោយ ៖ ជីវ័ន្ត
ប្រភព ៖ France24
ចុចអាន ៖ ហេតុផលទាំងនេះធ្វើឲ្យពិបាកជឿលើសំដីចេញពីមាត់ តាលីបង់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង