ធនាគារពិភពលោក ផ្អាកផ្ដល់ជំនួយដល់ អាហ្វហ្គានីស្ថាន ក្រោយឃើញស្ថានភាពរំលោភបំពានរបស់ តាលីបង់ លើស្រ្តី

ធនាគារពិភពលោកបានផ្អាកការផ្តល់ជំនួយដល់អាហ្វហ្គានីស្ថាន ដោយសម្តែងការព្រួយបារម្ភអំពីរបៀបដែលក្រុមតាលីបង់កាន់កាប់ នឹងប៉ះពាល់ដល់ចក្ខុវិស័យអភិវឌ្ឍន៍របស់ប្រទេស ជាពិសេសការរំលោភបំពានចំពោះស្ត្រី ។

កន្លងមក ធនាគារពិភពលោកបានប្តេជ្ញាផ្ដល់ថវិកា ៧៨៤ លានដុល្លារក្នុងមូលនិធិអភិវឌ្ឍន៍សម្រាប់អាហ្វហ្គានីស្ថាននៅឆ្នាំ ២០២១ នេះ ។

ទន្ទឹមនោះ អ្នកនាំពាក្យធនាគារពិភពលោកបាននិយាយថា “យើងបានផ្អាកការផ្តល់ប្រាក់នៅក្នុងប្រតិបត្តិការរបស់យើងនៅអាហ្វហ្គានីស្ថាន” ។

អ្នកនាំពាក្យខាងលើបន្តថា “យើងក៏កំពុងតាមដាន និងវាយតម្លៃយ៉ាងដិតដល់នូវស្ថានភាពក្នុងប្រទេសអាហ្វហ្គានីស្ថាន ស្របតាមគោលនយោបាយ និងនីតិវិធីផ្ទៃក្នុងរបស់យើង” ៕

ប្រែសម្រួលដោយ ៖ ជីវ័ន្ត

ប្រភព ៖ The Hindu

ចុចអាន ៖ តាលីបង់ ហាមផ្ដាច់ប្រជាជន អាហ្វហ្គានីស្ថាន មិនឲ្យម្នាក់ណាទៅព្រលានយន្តហោះក្រុងកាប៊ុល