ងាកមកមើលស្ថានភាពកូវីដនៅ អាហ្វហ្គានីស្ថាន បន្តិចមើល ដល់ណាហើយ?

ស្របពេលដែលពិភពលោក កំពុងតាមដានព័ត៌មាននៃការកាន់អំណាចរបស់ក្រុមតាលីបង់ នៅក្នុងប្រទេស អាហ្វហ្គានីស្ថាន យ៉ាងយកចិត្តទុកដាក់នោះ ប្រហែលជាមានអ្នកខ្លះចង់ដឹងហើយថា តើស្ថានភាពកូវីដនៅក្នុងប្រទេសនេះ ឈានដល់កម្រិតណាហើយ។

ក្រសួងសុខាភិបាលអាហ្វហ្គានីស្ថាន បានប្រកាសកាលពីថ្ងៃអង្គារទី២៤ខែសីហាថា មានករណីឆ្លងវីរុសកូវីដ-១៩ថ្មីចំនួន ៦២ ករណី និងមានអ្នកស្លាប់ចំនួន ៧ នាក់ក្នុងរយៈពេល ២៤ ម៉ោងចុងក្រោយ។

ក្នុងចំណោមករណីថ្មី មាន១០ករណីត្រូវបានរកឃើញនៅ Badakhshan, កាប៊ុល ៨ករណី, Nuristan ៧ករណី, Ghor ៦ករណី, Kandahar ៥ករណី, Kunduz ៥ករណី, Badghis ៥ករណី, Nimroz ៤ករណី, Balkh ៤ករណី, Nangarhar ៣ករណី, Takhar ៣ករណីនិង Paktia ២ករណី។

យោងតាមក្រសួងសុខាភិបាលបានឲ្យដឹងថា អ្នកជំងឺចំនួន ៥៣១ នាក់បានជាសះស្បើយ ដែលធ្វើឲ្យចំនួនអ្នកជាសះស្បើយសរុបឡើងដល់ ១០៩,០០៩ នាក់។

គួរបញ្ជាក់ថា ករណីឆ្លងកូវីដសរុបក្នុងប្រទេសអាហ្វហ្គានីស្ថានមានចំនួន ១៥២,៧២២ករណី និងស្លាប់សរុប ៧,០៩០នាក់៕

ប្រែសម្រួល៖ Vann Vann

ប្រភព៖ Pajhwok 

ចុចអាន៖ រូបភាពដ៏តក់ស្លុត! ក្រុមតាលីបង់សម្លាប់ សូម្បីតែកុមារស្លូតត្រង់