ត្រាំ មើលឃើញតំណែងប្រធានាធិបតីឆ្នាំ ២០២៤ ដោយសារការដើរខុសផ្លូវរបស់លោក បៃដិន នៅអាហ្វហ្គានីស្ថាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ត្រាំ មើលឃើញតំណែងប្រធានាធិបតីឆ្នាំ ២០២៤ ដោយសារការដើរខុសផ្លូវរបស់លោក បៃដិន នៅអាហ្វហ្គានីស្ថាន

បានផុស

នៅ

សម្ព័ន្ធមិត្តជិតស្និទ្ធរបស់លោក ដូណាល់ ត្រាំ បាននិយាយថា លោក ត្រាំ ត្រៀមខ្លួនរួចជាស្រេចសម្រាប់ការជួបគ្នាម្តងទៀតជាមួយលោក ចូ បៃដិន ហើយសង្ឃឹមទទួលបានជ័យជម្នះនៅក្នុងការបោះឆ្នោតប្រធានាធិបតីឆ្នាំ ២០២៤ បន្ទាប់ពីការដកទ័ពចេញពីអាហ្វហ្គានីស្ថាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតអ្នកនាំពាក្យម្នាក់ និងសមាជិកសភាមកពីគណបក្សសាធារណរដ្ឋ ២ រូបទៀតបាននិយាយថា ចិត្តរបស់អតីតប្រធានាធិបតីរូបនេះត្រូវបានបង្កើតឡើងវិញ ក្រោយមើលឃើញការប្រញាប់ប្រញាល់ជម្លៀសពលរដ្ឋចេញពីស្ថានទូតក្រុងកាប៊ុល បន្ទាប់ពីក្រុមតាលីបង់បានដើរចូលរដ្ឋធានីអាហ្វហ្គានីស្ថានដោយគ្មានការប្រឆាំង និងបណ្តាលឲ្យមនុស្សជាង ២០០ នាក់ស្លាប់ ។

អ្នកទាំងនោះរួមមានបុគ្គលិកអាមេរិក ១៣ នាក់បានស្លាប់នៅក្នុងការវាយប្រហារដោយគ្រាប់បែកអត្តឃាតដោយក្រុម ISIS-K ហើយជាការបាត់បង់យោធាអាមេរិកដ៏អាក្រក់បំផុតចាប់តាំងពីឆ្នាំ ២០១១ មក ។

ទន្ទឹមនោះ មន្រ្តីម្នាក់របស់រដ្ឋបាលលោក ត្រាំ ដែលសុំមិនបញ្ចេញឈ្មោះបាននិយាយថា “ការដោះស្រាយការដកទ័ពរបស់លោក បៃដិន បានធ្វើឲ្យការប្តេជ្ញាចិត្តរបស់អតីតប្រធានាធិបតី ដូណាល់ ត្រាំ កាន់តែខ្លាំងឡើងក្នុងការស្វែងរកការបោះឆ្នោតម្តងទៀត ហើយវាបានបញ្ចុះបញ្ចូលជនជាតិអាមេរិកអំពីជម្រើសនេះ” ។

គួរបញ្ជាក់ថា លោក ចូ បៃដិន បានរងការរិះគន់យ៉ាងខ្លាំង ពាក់ព័ន្ធនឹងការដកទ័ពចេញពីប្រទេសអាហ្វហ្គានីស្ថាន ជាហេតុធ្វើឲ្យក្រុមតាលីបង់វាយលុកចូលដល់ទីក្រុងកាប៊ុល និងបានប្រកាសគ្រប់គ្រងប្រទេសនេះ ក្រោយការបិទបញ្ចប់ជម្លៀសពលរដ្ឋរបស់ខ្លួនកាលពីថ្ងៃទី ៣១ ខែសីហាកន្លងទៅ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មកស្គាល់ Mullah Akhund មេដឹកនាំ រដ្ឋាភិបាលអាហ្វហ្គានីស្ថានថ្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services