ព័ត៌មានអន្ដរជាតិ
មកស្គាល់ Mullah Akhund មេដឹកនាំ រដ្ឋាភិបាលអាហ្វហ្គានីស្ថានថ្មី
ក្រុមតាលីបង់ បានតែងតាំងលោក Mullah Mohammad Hasan Akhund ឲ្យដឹកនាំរដ្ឋាភិបាលបណ្តោះអាសន្នថ្មីរបស់ពួកគេ បន្ទាប់ពីក្រុមនេះដណ្តើមបានការគ្រប់គ្រងប្រទេសកាលពីជិតបីសប្តាហ៍មុន។
លោក Mullah Akhund ស្ថិតនៅក្នុងបញ្ជីដាក់ទណ្ឌកម្មរបស់អង្គការសហប្រជាជាតិនិង ជាមេដឹកនាំយូរអង្វែងនៃស្ថាប័នធ្វើសេចក្តីសម្រេចដ៏មានឥទ្ធិពលរបស់ក្រុមតាលីបង់ដែលគេហៅថា Rehbari Shura ឬក្រុមប្រឹក្សាដឹកនាំ។
គាត់ធ្លាប់ជារដ្ឋមន្រ្តីក្រសួងការបរទេស ហើយបន្ទាប់មកជាឧបនាយករដ្ឋមន្ត្រីក្នុងកំឡុងពេលនៃការកាន់អំណាចចុងក្រោយរបស់ក្រុមតាលីបង់ចាប់ពីឆ្នាំ ១៩៩៦ ដល់២០០១។
ក្នុងសន្និសីទសារព័ត៌មាននៅទីក្រុងកាប៊ុលកាលពីថ្ងៃអង្គារទី៧ខែកញ្ញា អ្នកនាំពាក្យក្រុមតាលីបង់លោក Zabihullah Mujahid បាននិយាយថា សហស្ថាបនិកតាលីបង់លោក Abdul Ghani Baradar នឹងក្លាយជាអនុប្រធានរបស់លោក Mullah Akhund។
ដូចមនុស្សជាច្រើននៅក្នុងថ្នាក់ដឹកនាំតាលីបង់ដែរ លោក Mullah Akhund ទទួលបាននូវកិត្យានុភាពដោយសារតែភាពជិតស្និទ្ធរបស់គាត់ ជាមួយនឹងមេដឹកនាំទីមួយរបស់ចលនានេះឈ្មោះ Mullah Mohammad Omar។
លោក Akhund មកពីទីក្រុង Kandahar ដែលជាស្រុកកំណើតរបស់ក្រុម តាលីបង់។
របាយការណ៍ដាក់ទណ្ឌកម្មរបស់អង្គការសហប្រជាជាតិបានចាត់ទុកគាត់ជា “សហការីជិតស្និទ្ធនិងជាអ្នកប្រឹក្សានយោបាយដល់លោក Omar”។
ប្រភពតាលីបង់ បានប្រាប់ទីភ្នាក់ងារសារព័ត៌មាន Reuters ថា លោក Akhund ត្រូវបានគេគោរពយ៉ាងខ្លាំងនៅក្នុងចលនានេះ ជាពិសេសពីសំណាក់មេដឹកនាំកំពូលរបស់ខ្លួនឈ្មោះ Haibatullah Akhunzada។
អ្នកសង្កេតការណ៍ខ្លះអះអាងថាលោក Akhund ពូកែនយោបាយជាងខាងសាសនា ហើយការគ្រប់គ្រងរបស់គាត់លើក្រុមប្រឹក្សាដឹកនាំ ក៏បានផ្តល់ឲ្យគាត់នូវកិច្ចការយោធាផងដែរ។
លោក Mullah Akhund មានវង្សត្រកូល Pashtun មកពី Ahmad Shah Durrani ដែលជាស្ថាបនិកអាហ្វហ្គានីស្ថានសម័យទំនើប (ប្រហែលឆ្នាំ១៧០០) ។
គាត់បានដើរតួយ៉ាងសំខាន់ក្នុងការដឹកនាំ និងបញ្ជានៅក្នុងក្រុមប្រឹក្សាមេដឹកនាំ Rahbari Shura ឬជារឿយៗត្រូវបានគេហៅថា Quetta Shura។ ក្រុមប្រឹក្សានេះ ត្រូវបានបង្កើតឡើងបន្ទាប់ពី តាលីបង់ត្រូវបានបណ្តេញចេញពីអំណាចនៅក្នុងការលុកលុយរបស់យោធាដែលដឹកនាំដោយសហរដ្ឋអាមេរិកក្នុងឆ្នាំ២០០១៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ តាលីបង់ប្រកាសរដ្ឋាភិបាលបណ្តោះអាសន្នសុទ្ធតែបុគ្គលសំខាន់ៗ តែគ្មានស្ត្រីម្នាក់
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)