Connect with us

ព័ត៌មានជាតិ

សម្ដេចតេជោ ហ៊ុន សែន គូសបញ្ជាក់ជាថ្មីក្នុងជំរុញឲ្យមន្ត្រីជំនាញដោះមីន និងគ្រាប់មិនទាន់ផ្ទុះឲ្យអស់ នៅឆ្នាំ ២០២៥ខាងមុខ

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ជាថ្មីថា សម្ដេច បាននិងកំពុងជំរុញ និងពន្លឿនឲ្យមន្ត្រីជំនាញពាក់ព័ន្ធធ្វើការដោះមីន និងគ្រាប់មិនទាន់ផ្ទុះដែលនៅសល់សេសសល់ ឲ្យអស់នៅឆ្នាំ ២០២៥ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន បានថ្លែងក្នុងពិធីបើកការដ្ឋានសាងសង់ លើកកម្រិតគុណភាពផ្លូវជាតិលេខ ៤១ នាព្រឹកថ្ងៃទី ២៦ ខែធ្នូនេះថា កន្លងមក ក្នុងពេលជួបជាមួយរដ្ឋមន្ត្រីការពារជាតិចិន សម្ដេច ក៏បានស្នើឲ្យកងទ័ពចិន ជួយមកដល់កងទ័ពកម្ពុជា ក្នុងការបំផ្លាញចោលគ្រាប់មីន និងគ្រាប់មិនទាន់ផ្ទុះ ធ្វើយ៉ាងណាឲ្យអស់នៅឆ្នាំ ២០២៥។  

សម្ដេចតេជោ ហ៊ុន សែន ថ្លែងយ៉ាងដូច្នេះថា «សូម្បីតែជួបជាមួយរដ្ឋមន្ត្រីការពារជាតិរបស់ចិន ក្រៅពីជំនួយរដ្ឋាភិបាល ចិនដែលបានដោះមីន ខ្ញុំសុំស្នើឲ្យកងទ័ពចិន ជួយមកដល់កងទ័ពកម្ពុជា ដើម្បីបំផ្លាញចោលគ្រាប់មីន ធ្វើម៉េចឲ្យអស់មីននៅក្នុងឆ្នាំ ២០២៥ខាងមុខនេះ»។

សម្ដេចតេជោ ហ៊ុន សែន បានថ្លែងបន្ថែមថា ការដាក់គោលដៅបោសសំអាតគ្រាប់មីន និងគ្រាប់មិនទាន់ផ្ទុះឲ្យអស់នៅឆ្នាំ ២០២៥ខាងមុខនេះ គឺដើម្បីបញ្ជៀសគ្រោះថ្នាក់ដល់ប្រជាពលរដ្ឋខ្មែរផង និងដើម្បីផ្ដល់ដីដោយសុវត្ថិភាពសម្រាប់ប្រជា ជនបង្កបង្កើនផង។

សម្ដេចតេជោ ហ៊ុន សែន បានបញ្ជាក់ទៀតថា «នេះជាគោលដៅ ដែលខ្ញុំបានដាក់ចេញបន្ទាប់ពីអនុវត្តនយោបាយឈ្នះឈ្នះ គោលដៅដែលខ្ញុំដាក់ចេញនៅពេលនោះ តែពីរចំណុចធំ ទីមួយប្រែក្លាយតំបន់អតីតសមរភូមិទាំងអស់ ឲ្យក្លាយទៅជាតំបន់អភិវឌ្ឍអាហ្នឹងគោលដៅទីមួយ គោលដៅទីពីរ គឺប្រែក្លាយខ្សែព្រំដែនរវាងប្រទេសជិតខាង ជាមួយប្រទេសជិតខាង ឲ្យទៅខ្សែព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ»។

សម្ដេចតេជោ ហ៊ុន សែន បានបញ្ជាក់ទៀតថា​ ខាងលើនេះ គឺជាគោលដៅធំពីរ ដែលសម្ដេចបានដាក់ចេញ ដោយមកដល់ពេលនេះ គឺសម្រេចបានភាគច្រើនរួចមកហើយ តែនៅសេសសល់តំបន់មួយចំនួន មិនទាន់បានដោះមីន និងគ្រាប់មិនទាន់ផ្ទុះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៧ នាទី មុន

មហាសេដ្ឋីអូស្ត្រាលីម្នាក់ ប្រកាសគម្រោង ធ្វើឱ្យកប៉ាល់ទីតានិករស់ឡើងវិញ

ព័ត៌មានអន្ដរជាតិ៣៨ នាទី មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៣ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៤ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៦ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម