ព័ត៌មានអន្ដរជាតិ
Trump អួតក្តែងៗ៖ បើឡើងសង្វៀន នឹងផ្តួល Biden ឲ្យដួលងើបមិនរួច ត្រឹម២-៣វិនាទីដើមទឹក
គ្រប់គ្នាប្រហែលជាដឹងរួចមកហើយថា ចាប់តាំងពីបរាជ័យក្នុងការបោះឆ្នោតប្រធានាធិបតីអាមេរិកកាលពីឆ្នាំមុនមក លោក Donald Trump បានធ្វើគ្រប់បែបយ៉ាងដើម្បីប្រឆាំងលទ្ធផល ប៉ុន្តែមិនបានទទួលជោគជ័យនោះទេ។
ឥឡូវនេះ អតីតម្ចាស់សេតវិមានរូបនេះ ហាក់ដូចជាកំពុងរកឱកាសដើម្បីផ្តួលអ្នកស្នងតំណែងរបស់គាត់គឺលោក Joe Biden នៅលើសង្វៀនប្រដាល់វិញ បន្ទាប់ពីអះអាងថា គាត់នឹងផ្តួលលោក Biden មិនឲ្យងើបរួចក្នុងរយៈពេលត្រឹមតែ២-៣វិនាទីប៉ុណ្ណោះ។
បុរសវ័យ៧៥ឆ្នាំ បានអះអាងបែបនេះនៅក្នុងសន្និសីទសារព័ត៌មានមួយ ដែលប្រូម៉ូតកម្មវិធីប្រដាល់នៃការវិលត្រឡប់មកសង្វៀនវិញរបស់កីឡាករ Evander Holyfield នៅវ័យ៥៨ឆ្នាំ។
អតីតម្ចាស់ខ្សែក្រវាត់ទម្ងន់ធ្ងន់ពិភពលោករូបនេះ នឹងឡើងសង្វៀនប្រកួតជាមួយអ្នកលេងគុនចម្រុះ MMA កីឡាករ Vitor Belfort ដោយចូលខ្លួនមកជំនួសគូប្រជែងដើមគឺកីឡាករ Oscar De La Hoya ដោយសារតែបុរសជនជាតិអាមេរិក កាត់ម៉ិកស៊ិករូបនេះ កើតជំងឺកូវីដ-១៩។
លោក Trump បាននិយាយអំពីព្រឹត្តិការណ៍នេះថា “ខ្ញុំស្រឡាញ់អ្នកប្រយុទ្ធដ៏អស្ចារ្យនិងការប្រយុទ្ធដ៏អស្ចារ្យ។ ខ្ញុំទន្ទឹងរង់ចាំជួបអ្នកទាំងពីរនៅយប់ថ្ងៃសៅរ៍នេះ។ អ្នកនឹងមិនចង់ខកខានព្រឹត្តិការណ៍ពិសេសនេះទេ”។
នៅពេលប្រធានាធិបតីមួយអាណត្តិរូបនេះ ត្រូវបានគេសួរថាតើអ្នកណាដែលគាត់នឹងប្រយុទ្ធនៅក្នុងព្រឹត្តិការណ៍នេះ ប្រសិនបើគាត់ត្រូវបានគេអនុញ្ញាតឲ្យជ្រើសរើស។
គាត់បាននិយាយថា “ប្រសិនបើខ្ញុំត្រូវជ្រើសរើសនរណាម្នាក់នៅក្នុងពិភពលោក ខ្ញុំនឹងមិនរើសយកអ្នកប្រដាល់អាជីពទេ។ ខ្ញុំគិតថា ប្រហែលជាការប្រកួតដ៏ងាយស្រួលបំផុតរបស់ខ្ញុំ បើរើសយក Joe Biden ព្រោះខ្ញុំគិតថាគាត់នឹងចុះចាញ់យ៉ាងលឿន”។
គាត់ធ្លាប់និយាយថា គាត់ចង់យកខ្ញុំញាត់គុក ហើយខ្ញុំនឹងជាបញ្ហាធំ ខ្ញុំគិតថា Biden នឹងដួលក្នុងរយៈពេលពីរបីវិនាទីដំបូងប៉ុណ្ណោះ៕
ប្រែសម្រួល៖ Vann Vann
ប្រភព៖ Daily Star
ចុចអាន៖ លោក ចូ បៃដិន ប្រកាសសង្គ្រាមជាមួយជនជាតិអាមេរិកមិនទាន់ចាក់វ៉ាក់សាំងកូវីដ ៨០ លាននាក់
-
កីឡា៤ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ