ប្រជាជនឥណ្ឌូនេស៊ីរាប់ពាន់នាក់ជម្លៀសខ្លួន បន្ទាប់ពីផ្ទុះភ្នំភ្លើង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប្រជាជនឥណ្ឌូនេស៊ីរាប់ពាន់នាក់ជម្លៀសខ្លួន បន្ទាប់ពីផ្ទុះភ្នំភ្លើង

បានផុស

នៅ

ទីភ្នាក់ងារកាត់បន្ថយគ្រោះមហន្តរាយរបស់ប្រទេសឥណ្ឌូនេស៊ីបាននិយាយថា ភ្នំភ្លើងមួយនៅខេត្ត East Nusa Tenggara នៃប្រទេសឥណ្ឌូនេស៊ី បានផ្ទុះឡើងកាលពីថ្ងៃអាទិត្យ ទី ២៩ ខែវិច្ឆិកា ដោយបានព្រួសផេះ និងផ្សែង កម្ពស់រហូតដល់ ៤ គីឡូម៉ែត្រទៅលើមេឃ និងបង្ខំឲ្យប្រជាជនជាង ២,៧០០ នាក់ស្វែងរកទីជម្រក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យទីភ្នាក់ងារលោក Raditya Jati បាននិយាយនៅក្នុងសេចក្តីថ្លែងការណ៍មួយថា ការផ្ទុះចេញពីភ្នំភ្លើង Ile Lewotolok ដែលមានចម្ងាយប្រហែល ២,៦០០ គីឡូម៉ែត្រភាគខាងកើតនៃរដ្ឋធានីហ្សាការតារបស់ឥណ្ឌូណេស៊ីបានបង្កឲ្យមានការភ័យស្លន់ស្លោក្នុងចំណោមអ្នកដែលរស់នៅក្បែរនោះ ។

លោក Jati បាននិយាយថា មនុស្សប្រហែល ២,៧៨០ នាក់មកពី ២៦ ភូមិបានស្វែងរកការជ្រកកោន ទោះបីមិនទាន់មានសេចក្តីរាយការណ៍អំពីគ្រោះថ្នាក់ដល់អាយុជីវិតក៏ដោយ ។

ចំណែកលោក Muhammad Ilham អាយុ ១៧ ឆ្នាំដែលបានឃើញហេតុការណ៍នៃការផ្ទុះនេះបានប្រាប់ Reuters ថា អ្នកស្រុកដែលនៅក្បែរនោះកំពុងភ័យស្លន់ស្លោ ហើយពួកគេនៅតែស្វែងរកការជ្រកកោន ហើយត្រូវការប្រាក់ជាចាំបាច់ ។

មជ្ឈមណ្ឌលដោះស្រាយគ្រោះមហន្តរាយភ្នំភ្លើង និងភូគព្ភសាស្ត្រនៃប្រទេសឥណ្ឌូនេស៊ីបាននិយាយនៅលើគេហទំព័ររបស់ខ្លួនថា តំបន់ក្បែរភ្នំភ្លើងនេះទំនងជានឹងជន់លិចដោយពពកក្តៅ លំហូរកម្អែភ្នំភ្លើង ផ្ទាំងថ្ម និងឧស្ម័នពុលជាដើម ។

លោក Kasbani ប្រធានមជ្ឈមណ្ឌលបានប្រាប់ Reuters ថា ស្ថានភាពនៃភ្នំភ្លើងនេះត្រូវបានកើនឡើងដល់កម្រិតខ្ពស់បំផុតទី ២ លើប្រព័ន្ធប្រកាសអាសន្នចំនួន ៤ ថ្នាក់របស់ឥណ្ឌូណេស៊ីដោយសារតែការគំរាមកំហែងកើនឡើង ។

ទីភ្នាក់ងារនេះបាននិយាយថា មានតែភ្នំភ្លើងចំនួន ៣ ទៀតប៉ុណ្ណោះដែលមានកម្រិតនេះ ។ ភ្នំភ្លើងទាំងនេះរួមបញ្ចូលទាំងភ្នំភ្លើង Merapi នៅលើកោះជ្វា និងភ្នំភ្លើង Sinabung នៅកោះស៊ូម៉ាត្រាដែលបានផ្ទុះឡើងនៅខែនេះ ។

គួរបញ្ជាក់ថា ប្រទេសឥណ្ឌូនេស៊ីមានភ្នំភ្លើងសកម្មជិត ១៣០ ដោយច្រើនជាងប្រទេសដទៃទៀត ហើយស្ថិតក្នុងសកម្មភាពប្រកាសអាសន្នអំពីការផ្ទុះ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩៣ ម៉ោង មុន

ស្លុតចិត្ត ! បុរសម្នាក់ស្លាប់ ដោយ​​ជំងឺកូវីដ១៩ ខណៈភរិយាមានផ្ទៃពោះ៦ ខែ និងកូនតូចៗពីរនាក់ទៀតសុទ្ធតែឆ្លងកូវីដ១៩​

ព័ត៌មានជាតិ៦ ម៉ោង មុន

រដ្ឋបាលខេត្ត​ត្បូងឃ្មុំ​អំពាវនាវ​ដល់​ពលរដ្ឋ​បង្កើន​ការប្រុងប្រយ័ត្ន​ចំពោះ​ហានិភ័យ​នានា​បង្កឡើង​ដោយ​គ្រោះធម្មជាតិ

នយោបាយ៦ ម៉ោង មុន

គ​.​ជ​.​ប នឹង​យក​មេរៀន និង​បទពិសោធន៍ ពី​វេទិកា​អន្តរជាតិ នាទី​ក្រុង​សេ​អ៊ូ​ល សម្រាប់​ការបោះឆ្នោត​ជ្រើសរើស​ក្រុមប្រឹក្សា​ក្រុង​បូកគោ

ព័ត៌មានខ្លីៗ៧ ម៉ោង មុន

ភរិយាឧកញ៉ា ឌួង ងៀប ទទូចសុំយុត្តិធម៌ សម្រាប់ខ្លួនឯង និងកូនប្រុស ព្រះតេគុណ ឌួង ឆាយ

ព័ត៌មានជាតិ៧ ម៉ោង មុន

ការរៀបចំ​បាវ​ខ្សាច់​ការពារ​ច្រាំងទន្លេ​បាក់​ស្រុត​នៅ​ស្រុក​ស្រី​សន្ធរ និង​ស្រុក​កងមាស​សម្រេចបាន​៣៥​ភាគរយ​ហើយ

Sokha Hotels

ព័ត៌មានពេញនិយម

Helistar Cambodia - Helicopter Charter Services