ព័ត៌មានអន្ដរជាតិ
វ៉ាក់សាំង J&J ដូសជំរុញ ចាក់គម្លាតគ្នា២ខែ បង្ហាញប្រសិទ្ធភាពអស្ចារ្យបំផុត
ក្រុមហ៊ុន Johnson & Johnson បាននិយាយកាលពីដើមសប្តាហ៍នេះថា ការចាក់វ៉ាក់សាំងការពារកូវីដ-១៩ ដូសទី២របស់ខ្លួន ក្រោយចាក់ដូសទី១បាន២ខែ បានបង្កើនប្រសិទ្ធភាពដល់ទៅ ៩៤ភាគរយប្រឆាំងការវិវិត្តអាការមធ្យមទៅធ្ងន់ធ្ងរ។
នេះបើប្រៀបធៀបទៅនឹងការការពារ ៧០ភាគរយ ជាមួយនឹងការចាក់តែមួយដូស។
ទិន្នន័យនេះនឹងជួយឲ្យក្រុមហ៊ុន J&J ដាក់ពាក្យទៅនិយ័តករអាមេរិក សុំការចាក់ដូសជំរុញបើទោះបីជាក្រុមហ៊ុននេះសង្កត់ធ្ងន់លើភាពធន់នៃវ៉ាក់សាំងតែមួយដូសរបស់ខ្លួន ថាជាឧបករណ៍ជួយបន្ធូរបន្ថយជំងឺរាតត្បាតជាសកលក៏ដោយ។
លោកប្រធានាធិបតី ចូ បៃដិន កំពុងលើកទឹកចិត្តឲ្យមានការចាក់ដូសជំរុញ ស្របពេលប្រឈមមុខនឹងការកើនឡើងនៃករណីចូលព្យាបាលក្នុងមន្ទីរពេទ្យ ដែលបណ្តាលមកពីវីរុសកូវីដបំប្លែងខ្លួន Delta ហើយ J&J ដែលជាក្រុមហ៊ុនផលិតថ្នាំតែមួយគត់ ដែលវ៉ាក់សាំងកូវីដចាក់តែមួយដូសត្រូវបានអនុម័តនៅសហរដ្ឋអាមេរិក បានស្ថិតនៅក្រោមសម្ពាធឲ្យបង្ហាញភស្តុតាងអំពីប្រសិទ្ធភាពដូសជំរុញ។
លោកវេជ្ជបណ្ឌិត Paul Stoffels ប្រធានផ្នែកវិទ្យាសាស្ត្ររបស់ J & J បាននិយាយនៅក្នុងសេចក្តីថ្លែងការណ៍មួយថា ឥឡូវនេះ ក្រុមហ៊ុនបានបង្ហាញភស្តុតាងដែលថា ការចាក់ដូសជំរុញ ពិតជាបង្កើនការការពារប្រឆាំងនឹងកូវីដមែន។
J&J អះអាងថា ដូសជំរុញដែលចាក់ក្នុងរយៈពេលពីរខែ បន្ទាប់ពីដូសដំបូង បានបង្កើនកម្រិតអង់ទីគ័រពី ៤ ទៅ ៦ ដងឯណោះ។
នៅពេលចាក់ដូសជំរុញ រយៈពេលប្រាំមួយខែបន្ទាប់ពីការចាក់លើកដំបូង កម្រិតអង់ទីគ័រ បានកើនឡើង ១២ ដងដែលនេះបង្ហាញការការពារកាន់តែធំ ជាមួយនឹងចន្លោះពេលវែង។
ស្របពេលជាមួយគ្នានោះ ផលរំខានពីការចាក់ពីរដូស គឺដូចទៅនឹងការចាក់មួយដូសដែរ។
គួរបញ្ជាក់ថា ការសាកល្បងដំណាក់កាលទី ៣ នៃការចាក់ពីរដូស មានអ្នកចូលរួមរហូតដល់ ៣០,០០០ នាក់៕
ប្រែសម្រួល៖ Vann Vann
ប្រភព៖ GMA
ចុចអាន៖ ថៃ ចាប់ផ្ដើមចាក់វ៉ាក់សាំងដូសជំរុញ ទោះអ្នកចាក់បាន ២ ដូសមិនទាន់ គ្រប់តាមគោលការណ៍ក៏ដោយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ