Connect with us

ព័ត៌មានអន្ដរជាតិ

មកស្គាល់ច្បាស់ អំពីវ៉ាក់សាំងកូវីដ Hayat-Vax ដែល វៀតណាម ទើបទទួលបាន 

បានផុស

នៅ

វ៉ាក់សាំងការពារជំងឺកូវីដ-១៩ Hayat-Vax ដែលផលិតដោយប្រទេស អារ៉ាប់រួម ចំនួនមួយលានដូស បានទៅដល់ប្រទេសវៀតណាមហើយ ដោយនាំឲ្យចំនួនសរុបនៃវ៉ាក់សាំងនៅក្នុងប្រទេសអាស៊ីអាគ្នេយ៍មួយនេះ កើនដល់ជិត ៥៧ លានដូស។

វ៉ាក់សាំងនេះ ត្រូវបានផ្តល់ជូនក្រោមកិច្ចសន្យារវាងក្រុមហ៊ុន Vimedimex Medi-pharma Joint Stock Company (Vimedimex) របស់ប្រទេសវៀតណាម ជាមួយក្រុមហ៊ុន G42 Medications Trading LLC របស់ប្រទេសអារ៉ាប់រួម។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំង Hayat-Vax បានទៅដល់អាកាសយានដ្ឋានអន្តរជាតិ Noi Bai ក្នុងទីក្រុងហាណូយកាលពីថ្ងៃពុធ។

Hayat-Vax គឺជាវ៉ាក់សាំងអសកម្ម ដែលប្រើសារធាតុគីមីដើម្បីធ្វើឲ្យមេរោគអសកម្ម។ វ៉ាក់សាំងនេះ ប្រើបច្ចេកវិទ្យាដែលផ្ទេរពីក្រុមហ៊ុន Sinopharm របស់ប្រទេសចិន។

Hayat-Vax បានឆ្លងកាត់ការសាកល្បងគ្លីនិកលើមនុស្សជាលក្ខណៈអន្តរជាតិ ដែលមានការចូលរួមពីអ្នកស្ម័គ្រចិត្តចំនួន ៤៥,០០០ នាក់មកពី ១២៥ ប្រទេស និងបង្ហាញពីប្រសិទ្ធភាពការពារ សុវត្ថិភាពនិងភាពស៊ាំ។

លទ្ធផលនៃការសាកល្បងបង្ហាញថា វ៉ាក់សាំងនេះមានប្រសិទ្ធិភាពការពារ ៧៨,៨៩ ភាគរយហើយបង្កើតអង់ទីគ័រប្រឆាំងវីរុស SARS-CoV-2 ចំនួន ៩៩,៥២ ភាគរយ។

មិនមានផលរំខានធ្ងន់ធ្ងរ ត្រូវបានគេសង្កេតឃើញលើមនុស្សដែលចាក់វ៉ាក់សាំង Hayat-Vax ទេនេះ។ វាអាចត្រូវបានរក្សាទុកនៅសីតុណ្ហភាពពីចន្លោះ ២ ទៅ ៨ អង្សាសេ។

គួរបញ្ជាក់ថា ក្រសួងសុខាភិបាលបានយល់ព្រមឲ្យប្រើប្រាស់វ៉ាក់សាំង Hayat-Vax ជាបន្ទាន់នៅរួមជាមួយវ៉ាក់សាំងចំនួន៧ទៀត ដូចជា AstraZeneca របស់អង់គ្លេស, Sinopharm របស់ចិន, Sputnik V របស់រុស្ស៊ី, Abdala របស់គុយបា ព្រមទាំង Pfizer-BioNTech, Moderna និង Johnson & Johnson របស់អាមេរិក៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ម៉ាឡេស៊ី លេងធម៌ក្ដៅលើមន្ត្រីរាជការណាដែលមិនចាក់វ៉ាក់សាំង ប្រឈមនឹងការដាក់វិន័យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម