ស្លាប់និងបាត់ខ្លួនមនុស្ស ២០នាក់ ដោយសារព្យុះស៊ីក្លូន Kompasu នៅ ហ្វីលីពីន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ស្លាប់និងបាត់ខ្លួនមនុស្ស ២០នាក់ ដោយសារព្យុះស៊ីក្លូន Kompasu នៅ ហ្វីលីពីន

បានផុស

នៅ

ទីភ្នាក់ងារគ្រោះមហន្តរាយជាតិបាននិយាយថា មនុស្សចំនួន ៩ នាក់ត្រូវបានសម្លាប់នៅក្នុងប្រទេសហ្វីលីពីន និង ១១ នាក់បាត់ខ្លួនកាលពីថ្ងៃអង្គារ ដោយសារទឹកជំនន់និងការបាក់ដី ដែលបណ្តាលមកពីឥទ្ធិពលព្យុះស៊ីក្លូន Kompasu។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះ Kompasu ដែលមានខ្យល់បក់ខ្លាំងបំផុត ១០០ គីឡូម៉ែត្រក្នុងមួយម៉ោង បានបង្កឲ្យមានការបាក់ដីក្នុងប្រទេសហ្វីលីពីន ខណៈមនុស្សជិត ១,៦០០ នាក់ ត្រូវបានជម្លៀស។

ទីភ្នាក់ងារគ្រោះមហន្តរាយបាននិយាយថា ខ្លួនកំពុងផ្ទៀងផ្ទាត់ព័ត៌មានពីអង្គភាពប្រចាំតំបន់របស់ខ្លួនដែលបានរាយការណ៍ថា មនុស្សចំនួន ៤ នាក់បានស្លាប់នៅក្នុងការបាក់ដីនៅខេត្ត Benguet ភាគខាងជើងនិង ៥ នាក់បានស្លាប់ដោយសារជំនន់ទឹកភ្លៀងនៅខេត្ត Palawan ភាគនិរតី។

ស្របពេលជាមួយគ្នានោះ អាជ្ញាធរកំពុងធ្វើប្រតិបត្តិការស្វែងរកនិងជួយសង្គ្រោះមនុស្ស ១១ នាក់ ដែលបាត់ខ្លួន បន្ទាប់ពីការបាក់ដី។

លោក Harry Roque ដែលជាអ្នកនាំពាក្យប្រធានាធិបតី បាននិយាយកាលពីថ្ងៃអង្គារថា លោក Rodrigo Duterte កំពុងតាមដានការឆ្លើយតបគ្រោះមហន្តរាយរបស់រដ្ឋាភិបាល។

ទីភ្នាក់ងារអាកាសធាតុរដ្ឋបាននិយាយថា Kompasu គឺជាព្យុះត្រូពិកទី ១៣ ដែលបានចូលមកក្នុងប្រទេសហ្វីលីពីន។

គួរបញ្ជាក់ថា ហ្វីលីពីន គឺជាប្រទេសដែលមានកោះជាង ៧,៦០០ កោះ ហើយត្រូវរងគ្រោះដោយព្យុះត្រូពិកឬព្យុះទីហ្វុងប្រហែល ២០ ជារៀងរាល់ឆ្នាំ។ ព្យុះទាំងនោះ នាំមកនូវភ្លៀងធ្លាក់យ៉ាងខ្លាំងដែលបង្កឲ្យមានការបាក់ដីសម្លាប់មនុស្ស៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ព្យុះ Lionrock កំពុងហោះសំដៅទៅ វៀតណាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៤ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៥ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services