ព័ត៌មានអន្ដរជាតិ
បុគ្គលិកថែទាំសុខភាពអង់គ្លេស យំក្នុងវីដេអូ ក្រោយត្រូវបណ្តេញចេញពីការងារ ព្រោះមិនចាក់វ៉ាក់សាំង
បុគ្គលិកថែទាំសុខភាពម្នាក់ ដែលត្រូវបានបណ្តេញចេញដោយសារតែនាងបដិសេធចាក់វ៉ាក់សាំងកូវីដ បានបង្ហោះវីដេអូដ៏រំជួលចិត្តមួយ បន្ទាប់ពីចប់វេនធ្វើការចុងក្រោយរបស់នាងស្របពេលបុគ្គលិករហូតដល់ទៅ ៦០,០០០នាក់ ក៏ប្រឈមនឹងការបណ្តេញចេញផងដែរ នៅថ្ងៃព្រហស្បតិ៍នេះ។
កិច្ចសន្យាការងាររបស់នាង Louise Akester អាយុ៣៦ឆ្នាំ ជាមួយមណ្ឌល Alderson House ក្នុងទីក្រុង Hull ត្រូវបានបញ្ចប់ដោយសារតែការទាមទាររបស់រដ្ឋាភិបាល ឲ្យបុគ្គលិកថែទាំសុខភាពទាំងអស់ ត្រូវចាក់វ៉ាក់សាំងឲ្យគ្រប់២ដូសចាប់ពីថ្ងៃទី១១ខែវិច្ឆិកាទៅ។
បុគ្គលិកថែទាំទាំងអស់ ដែលមិនមានការលើកលែងផ្នែកវេជ្ជសាស្រ្ត ត្រូវតែចាក់វ៉ាក់សាំងការពារជំងឺកូវីដ-១៩ ឲ្យបានចំនួនពីរដូស។ ប៉ុន្តែគោលនយោបាយ “អត់ចាក់វ៉ាក់សាំង អត់ការងារធ្វើ” ដ៏ចម្រូងចម្រាសរបស់ NHS មិនត្រូវបានកំណត់ឲ្យចូលជាធរមានរហូតដល់ខែមេសាឆ្នាំក្រោយទេ។
លោកស្រី Akester បានធ្វើការក្នុងផ្នែកថែទាំអស់រយៈពេល១៤ឆ្នាំមកហើយ ប៉ុន្តែបានបដិសេធ ទទួលថ្នាំបង្ការ ដោយមិនខ្វល់ពីច្បាប់ថ្មីរបស់រដ្ឋាភិបាលឡើយ។ ស្រាប់តែពេលនេះ នាងបានយំនៅពេល ត្រូវបានគេបង្ខំឲ្យលាលែងពីការងារ។
Akester និយាយថា “នោះគឺជារឿងដ៏លំបាកបំផុតដែលខ្ញុំមិនធ្លាប់ធ្វើ។ ខ្ញុំត្រូវនិយាយពាក្យលាទៅកាន់អ្នកទាំងអស់គ្នា មនុស្សទាំងអស់ដែលខ្ញុំបានមើលថែអស់រយៈពេលជាយូរមកហើយ មនុស្សដែលខ្ញុំបានធ្វើការជាមួយ”។
វារំជួលចិត្តណាស់ នេះជារឿងអយុត្តិធម៌បំផុត។ ខ្ញុំមិនជឿលើអ្វីដែលរដ្ឋាភិបាលកំពុងធ្វើមកលើយើងទេ ខ្ញុំគ្រាន់តែមិនយល់។ នាង Akester បានបដិសេធទទួលថ្នាំបង្ការ រហូតដល់ នាងដឹងបន្ថែមអំពីផលរំខានរយៈពេលវែងដែលអាចកើតមានដោយសារវ៉ាក់សាំង។
តួលេខបង្ហាញថា បុគ្គលិកថែទាំសុខភាពចំនួន ៦០,០០០នាក់ នៅក្នុងប្រទេសអង់គ្លេស ស្មើនឹងប្រហែលមួយភាគដប់នៃកម្លាំងការងារទាំងមូល នៅតែមិនទាន់ចាក់វ៉ាក់សាំងគ្រប់២ដូស ហើយពាក់កណ្តាលនៃចំនួនទាំងនេះ នៅមិនទាន់បានចាក់វ៉ាក់សាំងដូសដំបូងនៅឡើយទេ។ ពួកគេទាំងអស់ត្រូវប្រឈមមុខនឹងការបណ្តេញចេញពីការងារ ត្រឹមថ្ងៃព្រហស្បតិ៍៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ បារាំង ព្យួរការងារបុគ្គលិកសុខាភិបាល ៣,០០០ នាក់ មិនឲ្យប្រាក់ខែ ព្រោះអត់ចាក់វ៉ាក់សាំងកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង