Connect with us

ព័ត៌មានអន្ដរជាតិ

WHO ប្រាប់ប្រទេសអាស៊ីប៉ាស៊ីហ្វិក ត្រៀមខ្លួនឲ្យហើយ ចំពោះការផ្ទុះវីរុស Omicron

បានផុស

នៅ

មន្ត្រីអង្គការសុខភាពពិភពលោក (WHO) បាននិយាយនៅថ្ងៃសុក្រទី៣ខែធ្នូនេះថា បណ្តាប្រទេសអាស៊ីប៉ាស៊ីហ្វិក គួរតែបង្កើនសមត្ថភាពថែទាំសុខភាព និងចាក់វ៉ាក់សាំងឲ្យបានពេញលេញដល់ប្រជាជនរបស់ពួកគេ ដើម្បីត្រៀមខ្លួនសម្រាប់ការកើនឡើងនៃករណីកូវីដ ដែលជំរុញដោយវីរុសបំប្លែងខ្លួន Omicron។

វីរុសបំប្លែងខ្លួន Omicron ត្រូវបានរកឃើញជាលើកដំបូងនៅក្នុងប្រទេសអាហ្វ្រិកខាងត្បូងកាលពីខែមុន ហើយត្រូវបាន WHO ចាត់ទុកថាជាវីរុសបំប្លែងខ្លួនគួរឲ្យព្រួយបារម្ភ។ ទោះបីជាយ៉ាងណាក៏ដោយ ក្រុមអ្នកវិទ្យាសាស្ត្រនៅតែប្រមូលទិន្នន័យដើម្បីកំណត់ថាតើវាឆ្លងខ្លាំងកម្រិតណា និងបណ្តាឲ្យមានជំងឺធ្ងន់ធ្ងរប៉ុនណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសនេះត្រូវបានរាយការណ៍នៅក្នុងប្រទេសជាង២០ហើយ ហើយបានចាប់ផ្តើមវាយលុកអាស៊ីក្នុងសប្តាហ៍នេះ ដោយករណីត្រូវបានរាយការណ៍នៅក្នុងប្រទេសជប៉ុន កូរ៉េខាងត្បូង សិង្ហបុរី ម៉ាឡេស៊ី និងឥណ្ឌា។ រដ្ឋាភិបាលជាច្រើនបានឆ្លើយតប ដោយការរឹតបន្តឹងច្បាប់ធ្វើដំណើរ។

លោក Takeshi Kasai នាយក WHO ប្រចាំតំបន់ប៉ាស៊ីហ្វិកខាងលិច បានប្រាប់សន្និសីទសារព័ត៌មានមួយថា “ការគ្រប់គ្រងព្រំដែនអាចទិញពេលវេលាបាន ប៉ុន្តែគ្រប់ប្រទេស និងសហគមន៍ទាំងអស់ ត្រូវតែរៀបចំសម្រាប់ការកើនឡើងនៃករណីឆ្លងថ្មី”។

លោក Kasai និយាយថា “ប្រជាជន មិនគួរពឹងផ្អែកតែលើវិធានការព្រំដែនប៉ុណ្ណោះទេ។ អ្វីដែលសំខាន់បំផុតគឺត្រូវត្រៀមខ្លួនសម្រាប់វីរុសបំប្លែងខ្លួនដែលមានលទ្ធភាពឆ្លងខ្លាំងទាំងនេះ។ រហូតមកដល់ពេលនេះ ព័ត៌មានដែលយើងមានបានបង្ហាញថា យើងមិនចាំបាច់ផ្លាស់ប្តូរវិធីសាស្រ្តរបស់យើងទេ”។

លោក Kasai បន្តថា ប្រទេសនានា ត្រូវតែប្រើមេរៀនដែលបានរៀនពីការដោះស្រាយជាមួយវីរុសបំប្លែងខ្លួន Delta ហើយបានជំរុញឲ្យពួកគេ ចាក់វ៉ាក់សាំងឲ្យបានពេញលេញដល់ក្រុមមនុស្សដែលងាយរងគ្រោះ និងអនុវត្តវិធានការបង្ការដូចជាពាក់ម៉ាស និងច្បាប់រក្សាគម្លាតសង្គមជាដើម៕

ប្រែសម្រួល៖ Vann Vann

ប្រភព៖ CNA

ចុចអាន៖ បារម្ភផ្ទះកូវីដជាថ្មី ក្រុមវេជ្ជបណ្ឌិត ឥណ្ឌា តវ៉ាឲ្យរដ្ឋាភិបាលចុះឈ្មោះនិស្សិត រៀនពេទ្យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៦ នាទី មុន

បេះ​​ដូង​​ក្រុម​​​បាល់ទះ​ពិការ​កម្ពុជា​​ហាត់​​រហូត​ ទោះ​អត់​​អាស៊ាន​ប៉ារ៉ាហ្គេម​​​២​​លើក

ព័ត៌មានជាតិ៣៤ នាទី មុន

អាជ្ញាធរខេត្តស្ទឹងត្រែងសាងសង់ផ្លូវកៅស៊ូពីទីរួមខេត្តទៅទំនប់វារីអគ្គិសនីសេសានក្រោម២ដែលជាតំបន់មានសក្កដានុពលទេសចរណ៍

ព័ត៌មានអន្ដរជាតិ៤៥ នាទី មុន

រុស្ស៊ី ផ្លាស់ប្តូរយុទ្ធសាស្រ្ត និងពង្រីកគោលដៅយោធា នៅអ៊ុយក្រែន

សន្តិសុខសង្គម២ ម៉ោង មុន

បាក់រលំទីតាំងលាយបេតុងខ្នាតយក្សមិនមានច្បាប់សាងសង់បង្កការភ្ញាក់ផ្អើលកណ្ដាលក្រុងសែនមនោរម្យ

ព័ត៌មានអន្ដរជាតិ២ ម៉ោង មុន

ទាហានរុស្ស៊ី ស្លាប់ និងរបួស ក្នុងឧប្បត្តិហេតុដ៏អាថ៌កំបាំង នៅរោងចក្រថាមពលនុយក្លេអ៊ែរ

Sokha Hotels

ព័ត៌មានពេញនិយម