ព័ត៌មានអន្ដរជាតិ

បារម្ភផ្ទះកូវីដជាថ្មី ក្រុមវេជ្ជបណ្ឌិតឥណ្ឌាតវ៉ាឲ្យរដ្ឋាភិបាលចុះឈ្មោះនិស្សិតរៀនពេទ្យ

បានផុស

៤ years មុន

នៅ

ថ្ងៃសុក្រ ៣ ធ្នូ ២០២១

ដោយ

នៅថ្ងៃសុក្រនេះ ប្រទេសឥណ្ឌាមានអ្នកឆ្លងកូវីដ-១៩ចំនួន ៩២១៦នាក់ បន្ទាប់ពីប្រកាសរកឃើញអ្នកឆ្លងវីរុសបំប្លែងខ្លួនថ្មី Omicron ពីរនាក់ ខណៈក្រុមវេជ្ជបណ្ឌិតបាននាំគ្នាតវ៉ាឲ្យរដ្ឋាភិបាលប្រញាប់ចុះឈ្មោះនិស្សិតចូលរៀនពេទ្យដើម្បីបង្កើនបុគ្គលិកសុខាភិបាល។

ឥណ្ឌា ដែលមន្ទីរពេទ្យរងការវាយប្រហារយ៉ាងធ្ងន់ធ្ងរពីកូវីដដែលមានចំនួនឆ្លង និងស្លាប់ច្រើនជាប់កំណត់ត្រាចន្លោះខែមេសា និងឧសភាដោយសារវីរុសបំប្លែងខ្លួន Delta មានអ្នកឆ្លងថ្មីប្រហែលជា១០០០០នាក់ក្នុងប៉ុន្មានសប្តាហ៍កន្លងទៅនេះ។

ប៉ុន្តែករណីឆ្លងវីរុសបំប្លែងខ្លួនថ្មី Omicron នៅភាគខាងត្បូងរដ្ឋ Karnataka ដែលម្នាក់មិនបានធ្វើដំណើរទៅណាឆ្ងាយសោះក៏ឆ្លងដែរបានបង្កើនការព្រួយបារម្ភរលកទី៣។ អ្នកជំនាញរោគឆ្លងខ្លះបាននិយាយថា Omicron អាចគ្រោះថ្នាក់ដល់អាយុជីវិតតិចជាងវីរុស Delta ដោយសារតែមានអ្នកឆ្លងពីមុន និងវ៉ាក់សាំងការពារ។

សមាគមវេជ្ជបណ្ឌិតឥណ្ឌាដែលធ្វើការឲ្យមន្ទីរពេទ្យរដ្ឋរាប់រយកន្លែងបាននិយាយក្នុងលិខិតផ្ញើទៅកាន់នាយករដ្ឋមន្ត្រីមួយថា ៖«គ្រឹះស្ថានសុខាភិបាលទូទាំងប្រទេសកំពុងខ្វះកម្លាំងការងារនៃក្រុមវេជ្ជបណ្ឌិត ដោយមិនទាន់មានការចុះឈ្មោះនិស្សិតចូលរៀនទេឆ្នាំនេះ»។

«ដោយលទ្ធភាពនៃរលកឆ្លងកូវីដថ្មីនាពេលខាងមុខអាចនឹងកើតមានឡើងទ្រង់ទ្រាយធំ ស្ថានភាពគ្រប់គ្រងនឹងគ្រោះថ្នាក់ដល់វិស័យសុខាភិបាល»។ សមាគមបាននិយាយ។

រដ្ឋាភិបាលបានពន្យារពេលការចុះឈ្មោះចូលរៀនដផយសារតែបញ្ហាផ្លូវច្បាប់កំពុងកើតឡើង ព្រមទាំងកន្លែងសម្រាប់សិស្សក្រីក្រ។

ឥណ្ឌាមានសមាមាត្រវេជ្ជបណ្ឌិតថែទាំសុខភាពទាបបំផុតក្នុងពិភពលោក ប៉ុន្តែលោកនាយករដ្ឋមន្ត្រី Narendra Modi បាននិយាយកាលពីពេលថ្មីៗនេះថា ប្រទេសនឹងជំរុញឲ្យមានក្រុមវេជ្ជបណ្ឌិតកាន់តែច្រើននាទសវត្សរ៍ខាងមុខ ឬក៏ច្រើនជាងបំផុតបន្ទាប់ពីឯករាជ្យរយៈពេល៧០ឆ្នាំចុងក្រោយ។

រហូតដល់ពេលនេះ ឥណ្ឌាមានអ្នកឆ្លងកូវីដ-១៩សរុប៣៤.៦២លាននាក់ និហស្លាប់៤៧០១១៥នាក់៕

ប្រែសម្រួល៖ វីរបុត្រ
ប្រភព៖ Reuters