អ្នកវិទ្យាសាស្រ្តប្រាប់ពេលវេលានៃ ព្រឹត្តិការណ៍ធ្វើឲ្យជីវិតលើផែនដីត្រូវផុតពូជ ទាំងស្រុង 

អ្នកវិទ្យាសាស្ដ្រខាងស្រាវជ្រាវផែនទីឬភពដទៃបានព្រមានថា ព្រឹត្តិការណ៍ផុតពូជដ៏ធំ អាចវាយប្រហារផែនដីក្នុងរយៈពេល មួយ ឬពីរសតវត្សរ៍ទៀត តែមិនមែនព្រោះតែអាចម៍ផ្កាយទេ គឺដោយសារតែបរិមាណកាបូននៅក្នុងមហាសមុទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Daniel Rothman សាស្ត្រាចារ្យនៅ  MIT បានព្រមានថា កម្រិតនៃសារធាតុគ្រោះថ្នាក់បំផុតនៅក្នុងសមុទ្រគឺមានប្រហែល៣០០ជីហ្គាតោនក្នុងរយៈពេលមួយសតវត្សរ៍ ប៉ុន្តែនៅឆ្នាំ២១០០ វាអាចមានរហូតដល់ទៅ ៥០០ជីហ្គាតោន។

នៅពេលកម្រិតនេះកើនហួស ភាពចលាចលនឹងកើតមាននៅលើភពផែនដី ហើយពូជមនុស្សនឹងត្រូវរលាយសាបសូន្យទាំងស្រុង។

ប៉ុន្តែអ្វីដែលគួរឲ្យខ្លាចនោះ អ្នកវិទ្យាសាស្ត្របាននិយាយថា ប្រសិនបើពិភពលោកបច្ចុប្បន្នស្ថិតនៅក្នុងព្រឹត្តិការណ៍នៃការផុតពូជដ៏ធំនោះ យើងប្រហែលជាមិនដឹងទេ។

ដោយសារតែវាមិនកើតឡើងនៅពេលយប់ ហើយមានទំនោរកើតឡើងក្នុងរយៈពេលជាច្រើនឆ្នាំទៀត ទម្រាំតែមនុស្សកត់សម្គាល់ នោះគឺយឺតពេលបាត់ទៅហើយ។

លោកសាស្ត្រាចារ្យបានប្រាប់កាសែត The Times of Israel ថា “អ្វីដែលយើងកំពុងឃើញសព្វថ្ងៃនេះគឺធ្ងន់ធ្ងរណាស់។ បរិមាណដ៏គួរឲ្យភ្ញាក់ផ្អើលនៃកាបូន ដែលបច្ចុប្បន្នត្រូវបានបូមចូលទៅក្នុងបរិយាកាស អាចបណ្តាលឲ្យមានការរំខានដល់ចំណុចដែលមិនអាចនឹកស្មានដល់”។ 

“រាល់ពេលដែលមានព្រឹត្តិការណ៏សំខាន់មួយនៅក្នុងប្រវត្តិសាស្រ្តនៃជីវិត វាក៏មានការរំខានដល់បរិស្ថានផងដែរ។ រឿង​ទាំង​នេះ​មាន​ទំនោរ​មក​ជា​មួយ​គ្នា”៕

ប្រែសម្រួល៖ Vann Vann

ប្រភព៖ Daily Star

ចុចអាន៖ អាចម៍ផ្កាយគ្រោះថ្នាក់ ទំហំប៉ុន ប៉ម Eiffel កំពុងហោះសំដៅមក ផែនដី