ព័ត៌មានអន្ដរជាតិ

ថ្មប៉ប្រះទឹក Great Barrier Reef របស់អូស្ត្រាលីកំពុងស្ថិតក្នុងហានិភ័យ

បានផុស

៣ years មុន

នៅ

ថ្ងៃពុធ ២ សីហា ២០២៣

ដោយ

តំបន់ថ្មប៉ប្រះទឹក Great Barrier Reef របស់អូស្ត្រាលីជា ប្រព័ន្ធអេកូឡូស៊ីផ្កាថ្មធំបំផុតកំពុងប្រឈមមុខដោយសារតែការបំពុល និងការកើនឡើងនៃសីតុណ្ហភាពក្នុងសមុទ្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា កាលពីថ្ងៃអង្គារ ទី០១ ខែសីហា ក្រុមប្រឹក្សាអង្គការយូណេស្កូ បានបដិសេធមិនចាត់ថ្នាក់តំបន់ថ្មប៉ប្រះទឹក Great Barrier Reef ជាកន្លែងគំរាមកំហែងទេ ។

គួររំលឹកថា នៅខែវិច្ឆិកា ឆ្នាំ ២០២២ អង្គការយូណេស្កូបានស្នើសុំឲ្យដាក់ថ្មប៉ប្រះទឹកទៅក្នុងបញ្ជីជិតផុតពូជ ដោយសារទឹកឡើងកម្ដៅខ្លាំងបង្កឱ្យផ្កាថ្មប្រែទៅជាពណ៌ស ។ ផ្កាថ្មប៉ប្រះទឹកអាចនៅរស់ក្រោយរងគ្រោះដោយកម្ដៅ ប៉ុន្តែវាមិនអាចលូតលាស់បន្ត និងមិនអាចបន្តពូជបានទេ ។

ថ្មប៉ប្រះទឹក Great Barrier Reef មានសារៈសំខាន់ណាស់ វាជួយរកចំណូលបន្ថែមប្រហែល ៦.៤ ពាន់លានដុល្លារដល់សេដ្ឋកិច្ចរបស់ប្រទេសអូស្ត្រាលី និងទ្រទ្រង់ការងារចំនួន ៦៤ ០០០ ទៀតផង ។ ប្រសិនបើថ្មប៉ប្រះទឹកជិតផុតពូជ វាអាចបាត់បង់ឋានៈជាបេតិកភណ្ឌ និងរារាំងភ្ញៀវទេសចរដូចគ្នា ។

ជាក់ស្ដែង ថ្មប៉ប្រះទឹករបស់ប្រទេសអូស្ត្រាលី គឺជាជម្រកសត្វសមុទ្រ រួមមានប្រភេទផ្កាថ្ម ៤០០ ប្រភេទ ត្រី ១៥០០ ប្រភេទ និងពូជខ្យង ៤០០០ ប្រភេទ នេះបើយោងតាមអង្គការយូណេស្កូ ។ អ្នកវិទ្យាសាស្ត្រយល់ថាវាគួរឱ្យចាប់អារម្មណ៍ព្រោះវាជាជម្រកសត្វងាយរងគ្រោះដូចជា គោសមុទ្រ និងអណ្តើកបៃតងធំៗជាដើម ។

ពាក់ព័ន្ធនឹងបញ្ហាថ្មប៉ប្រះទឹក នាយករដ្ឋមន្ត្រីអូស្ត្រាលី លោក Anthony Albanese បានទទួលស្គាល់ថា សេចក្តីព្រាងសេចក្តីសម្រេចរបស់អង្គការយូណេស្កូមិនបានដោះស្រាយទាំងស្រុងនូវបញ្ហាថ្មប៉ប្រះទឹកទេ ហើយបានសង្កត់ធ្ងន់លើតម្រូវការបន្ថែមទៀត ដើម្បីការពារវាពីការផុតពូជ ។