ព័ត៌មានអន្ដរជាតិ
កាហ្សាក់ស្ថាន បញ្ចេញតួលេខគួរឲ្យភ្ញាក់ផ្អើលអំពីអ្នកស្លាប់និងការខូចខាត ក្នុងបាតុកម្មហិង្សា
មនុស្សជាង១៦០នាក់ត្រូវបានសម្លាប់ និង៥,០០០នាក់ត្រូវបានចាប់ខ្លួននៅក្នុងអំពើហិង្សាដែលបានអង្រួនប្រទេសកាហ្សាក់ស្ថាន ក្នុងរយៈពេលមួយសប្តាហ៍កន្លងមកនេះ។
ក្រសួងមហាផ្ទៃបានឲ្យដឹងថា ការប៉ាន់ស្មានដំបូងបានដាក់ការខូចខាតទ្រព្យសម្បត្តិថាមានប្រហែល ១៧៥លានអឺរ៉ូ (១៩៨លានដុល្លារ)។ អាជីវកម្ម និងធនាគារជាង ១០០កន្លែងត្រូវបានវាយប្រហារ និងលួចរបស់របរ ហើយរថយន្តប្រហែល ៤០០គ្រឿងត្រូវបានបំផ្លាញ។
ទីភ្នាក់ងារសារព័ត៌មាន Sputnik របស់រុស្ស៊ីបានដកស្រង់សម្តីក្រសួងសុខាភិបាល ដែលរាយការណ៍កាលពីថ្ងៃអាទិត្យថា មនុស្សសរុប១៦៤នាក់ រួមទាំងកុមារ២នាក់ផងដែរ ត្រូវបានសម្លាប់នៅក្នុងការផ្ទុះអំពើហិង្សាអាក្រក់បំផុតក្នុងរយៈពេល៣០ឆ្នាំ បន្ទាប់ពីប្រទេសនេះ ទទួលបានឯករាជ្យ។
មនុស្ស១០៣នាក់បានស្លាប់នៅក្នុងទីក្រុងធំ Almaty ជាកន្លែងដែលភាពចលាចលអាក្រក់បំផុតបានកើតឡើង។
ស្របពេលជាមួយគ្នានោះ រដ្ឋមន្ត្រីមហាផ្ទៃលោក Erlan Turgumbayev បាននិយាយថា “បច្ចុប្បន្ន ស្ថានការណ៍មានស្ថិរភាពនៅគ្រប់តំបន់ទាំងអស់នៃប្រទេស។ ប្រតិបត្តិការប្រឆាំងភេរវកម្មកំពុងបន្តធ្វើការ ក្នុងគោលបំណងស្តារសណ្តាប់ធ្នាប់ក្នុងប្រទេសឡើងវិញ”។
មនុស្សសរុប៥,១៣៥នាក់ត្រូវបានឃុំខ្លួនដើម្បីសាកសួរ ជាផ្នែកមួយនៃការស៊ើបអង្កេតដាច់ដោយឡែកចំនួន១២៥លើភាពចលាចលនេះ។
គួរបញ្ជាក់ជាថ្មីថា វិបត្តិនេះត្រូវបានបញ្ឆេះកាលពីសប្តាហ៍មុន នៅក្នុងខេត្តភាគខាងលិចដោយសារតែការដំឡើងថ្លៃប្រេងឥន្ធនៈ ប៉ុន្តែការតវ៉ាបានឈានដល់ទីក្រុងធំៗ រួមទាំង Almaty ជាកន្លែងដែលកុបកម្មផ្ទុះឡើងផងដែរ។ ជាការឆ្លើយតប លោកប្រធានាធិបតី Kassym-Jomart Tokayev បានចេញបញ្ជាឲ្យបាញ់សម្លាប់ ដើម្បីបញ្ចប់ភាពចលាចល៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ កុបកម្មនៅ កាហ្សាក់ស្ថាន ជា “ការវាយប្រហារភេរវករកូនកាត់” និងមានគោលបំណងធ្វើរដ្ឋប្រហារ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ