ព័ត៌មានអន្ដរជាតិ
ទៅលេងសមុទ្រ ថៃ ត្រូវប្រយ័ត្ន បើធ្វើរឿងមួយនេះ ប្រឈមជាប់ពន្ធនាគារ ១០ឆ្នាំ
អ្នកទេសចរថៃម្នាក់ដែលបង្ហោះរូបថតខ្លួនឯង អង្គុយនៅលើផ្កាថ្មដែលជិតផុតពូជ ត្រូវប្រឈមមុខនឹងការពិន័យជាប្រាក់ដល់ទៅ១លានបាត និងជាប់ពន្ធនាគាររយៈពេល១០ឆ្នាំ។
លោក Wisutr Rattanasathian បានចែករំលែករូបថតមួយសន្លឹកនៅលើទំព័រ Facebook របស់គាត់កាលពីថ្ងៃសៅរ៍ទី១២ខែកុម្ភៈ ដែលបង្ហាញពីគាត់អង្គុយនៅលើផ្កាថ្មដែលត្រូវការពារនៅកោះ Khram Noi ក្នុងស្រុក Sattahip ខេត្ត Trat ភាគខាងកើតប្រទេសថៃ។
យោងតាមរបាយការណ៍របស់កាសែត Bangkok Post បានឲ្យដឹងថា រូបថតមួយសន្លឹកនោះ បានជំរុញឲ្យនាយកដ្ឋានធនធានសមុទ្រ និងឆ្នេរសមុទ្រ ដាក់ពាក្យបណ្តឹងទៅប៉ូលិសនៅថ្ងៃបន្ទាប់។
មន្ត្រីនាយកដ្ឋាន Wutthipong Wongin ដែលទទួលបន្ទុកឆ្នេរសមុទ្រភាគខាងកើត បានប្រើប្រាស់រូបថតរបស់ Wisutr ជាភស្តុតាងដើម្បីទុកដាក់ពាក្យបណ្តឹងជាផ្លូវការ។ នៅក្នុងរូបថតនោះ លោក Wisutr បានអង្គុយនៅលើផ្កាថ្ម ដែលត្រូវបានការពារដោយច្បាប់ថៃ។
លោក Wutthipong និយាយថា ភ្ញៀវទេសចររូបនេះ នឹងត្រូវបានចោទប្រកាន់ពីបទបង្កហានិភ័យដល់ប្រភេទធនធានជិតផុតពូជ។ ប្រសិនបើរកឃើញថាមានកំហុស គាត់ត្រូវប្រឈមនឹងការពិន័យជាប្រាក់រហូតដល់ ១ លានបាត និង/ឬ ជាប់ពន្ធនាគាររហូតដល់ទៅ១០ឆ្នាំឯណោះ។
ទោះបីជាយ៉ាងណាក៏ដោយ ភ្ញៀវទេសចរ បាននិយាយថា ខ្លួនគ្មានចេតនាក្នុងការបំផ្លាញផ្កាទេ និងថារូបថតត្រូវបានថតកាលពីឆ្នាំមុន ហើយទើបតែបង្ហោះលើបណ្ដាញសង្គមកាលពីថ្ងៃសៅរ៍ប៉ុណ្ណោះ៕
ប្រែសម្រួល៖ Vann Vann
ប្រភព៖ Thaiger
ចុចអាន៖ ថៃ នឹងលុបចោលពិធីបុណ្យចូលឆ្នាំ បើការឆ្លងកូវីដ ឈានដល់ ៣ម៉ឺនករណី ក្នុងមួយថ្ងៃ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង