វ៉ាក់សាំងមួយប្រភេទនេះ មានសមត្ថភាពទប់ស្កាត់​ អូមីក្រុង រហូតដល់ ៣៥ដង

យោងតាមការសិក្សាថ្មីបំផុតដែលចេញផ្សាយដោយ The New England Journal of Medicine បានបង្ហាញថា វ៉ាក់សាំង Moderna មានប្រសិទ្ធភាពទប់ស្កាត់វីរុសកូវីដប្រភេទ អូមីក្រុង (Omicron) បន្ទាប់ពីការចាក់បានមួយខែ។

ប្រភពដដែល និយាយថា វ៉ាក់សាំង Moderna មានសមត្ថភាពប្រឆាំងវីរុសបំប្លែងខ្លួន អូមីក្រុង ក្រោយចាក់ពីរដូស ​បានរយៈពេលមួយខែ ហើយវាមានប្រសិទ្ធភាពទ្វេដង ប្រសិនបើចាក់ដូសជំរុញ។

វ៉ាក់សាំង Moderna មិនត្រឹមតែអាចទប់ស្កាត់ការចម្លងនៃវីរុសកូវីដ-១៩ នោះទេ វាថែមទាំងអាចប្រឆាំងទៅនឹងវីរុសបំប្លែងខ្លួនផ្សេងៗដូចជា បេតា ដែលតា រួមទាំង អូមីក្រុង ផងដែរ។

ការសិក្សាបានរកឃើញថា បន្ទាប់ពីចាក់វ៉ាក់សាំង Moderna ទាំងពីរដូស រយៈពេលមួយខែ រាងកាយអាចបង្កើតភាពស៊ាំតទល់ជាមួយវីរុសកូវីដប្រភេទ អូមីក្រុង បានរហូតដល់ ៣៥ ដងឯណោះ។ មិនតែប៉ុណ្ណោះ វ៉ាក់សាំងនេះនឹងបណ្ដុះអង់ទីគ័រខ្លាំង ជួយកាត់បន្ថយហានិភ័យនៃការឈឺធ្ងន់ ទោះចាក់បានតែពីរដងក៏ដោយ។

យ៉ាងណាមិញ ប្រសិនមនុស្សពេញវ័យទទួលចាក់វ៉ាក់សាំង Moderna ដូសជំរុញ ការឆ្លើយតបនៃប្រព័ន្ធភាពស៊ាំប្រឆាំងជាមួយ អូមីក្រុង នឹងកើនឡើង ២០ដងបន្ថែមទៀត ដោយអាចបន្ថយលទ្ធភាពនៃការឆ្លងបានរយៈពេល ៦ខែ។ រីឯអាការធ្ងន់ធ្ងរនឹងថយចុះ ៦.៣ដង។ យ៉ាងណាក្ដី ក្រោយពី ៦ខែ មនុស្សត្រូវការចាក់ដូសជំរុញម្ដងទៀត ឬចាក់ដូសទី៤ ជាចាំបាច់ ទើបវ៉ាក់សាំងអាចមានសមត្ថភាពក្នុងការទប់ស្កាត់ការចម្លងវីរុសរាតត្បាតបានល្អ៕

ប្រែសម្រួល៖ សន្យា

ចុចអាន៖ មកដឹងទីតាំង និងលេខទូរសព្ទ ដើម្បីទិញឱសថ ម៉ូលណាទ្រីស ព្យាបាលកូវីដ-១៩ តម្លៃត្រឹម ៥៥$

ចុចអាន៖ កុមារអាយុ ៥-១១ ឆ្នាំ ក្រោយចាក់វ៉ាក់សាំង​ មិនថាដូសទីប៉ុន្មា​ន មានរោគសញ្ញានេះ ត្រូវជួបគ្រូពេទ្យជាបន្ទាន់