ធ្លាក់ឧទ្ធម្ភាគចក្រប៉ូលិសមួយគ្រឿងនៅ ថៃ  ខណៈចុះចតជាមួយមនុស្ស ៦ នាក់

ប្រភពព័ត៌មានបានឲ្យដឹងថា នៅវេលាម៉ោង ២រសៀលថ្ងៃទី២៥ ខែមីនានេះ មានករណីធ្លាក់ឧទ្ធម្ភាគចក្រប៉ូលិសមួយគ្រឿង ក្នុងអំឡុងពេលកំពុងចុះចតនៅទីលានចុះចតឧទ្ធម្ភាគចក្ររបស់ស្នងការនគរបាលជាតិលេខ២១ ស្ថិតនៅក្នុងភូមិសាស្ត្រខេត្តសុរិន្ទ ប្រទេសថៃ ។

ក្នុងឧបទ្ទវហេតុនេះ ទាំងអ្នកបើកឧទ្ធម្ភាគចក្រ និងអ្នករួមដំណើរសរុបទាំងអស់ ៦នាក់ បានធ្វើដំណើរពីទីលានចុះចតឧទ្ធម្ភាគចក្រស្នងការនគរបាលខេត្តណាខនរ៉ាតស៊ីម៉ា ទៅកាន់ទីលានចុះចតឧទ្ធម្ភាគចក្រស្នងការនគរបាល លេខ២១ ខេត្តសុរិន្ទ ។

ក្នុងខណៈពេល​កំពុងចុះចតស្រាប់តែមានខ្យល់​បក់​​ចូល​ផ្នែក​ខាង​ក្រោយ​នៃម៉ាស៊ីន ​បណ្តាលឲ្យម៉ាស៊ីនបាត់បង់ម្ចាស់ការធ្លាក់ចុះ​ដល់​ដីតែម្តង និងរងការ​ខូច​ខាតបណ្តលឲ្យអ្នកបើកឧទ្ធម្ភាគចក្រ និងអ្នករួមដំណើរទទួលរងរបួសស្រាល ។

ករណីធ្លាក់ឧទ្ធម្ភាគចក្រនេះកំពុងស្ថិត​ក្នុង​ការ​ស៊ើបអង្កេត ហើយនឹងរាយការណ៍ជូនសាធារណជនជ្រាបបន្ថែមនៅពេលក្រោយ ៕

ប្រែសម្រួលដោយ ៖ ជីវ័ន្ត

ប្រភព ៖ MGR Online

ចុចអាន ៖ ប៉ូលិស ថៃ ឆ្មក់ចូលខុនដូបើកល្បែងស៊ីសងតាមអនឡាញមួយកន្លែង ចាប់បានមនុស្ស ១៧ នាក់