ព័ត៌មានអន្ដរជាតិ
រកឃើញមេរោគថ្មីចំនួន ៥,៥០០ ប្រភេទ ក្នុងមហាសមុទ្រទូទាំងពិភពលោក
ក្រុមអ្នកវិទ្យាសាស្ត្រអន្តរជាតិអះអាងថា បានរកឃើញមេរោគថ្មីយ៉ាងហោចណាស់ ៥,៥០០ ប្រភេទនៅទូទាំងមហាសមុទ្រពិភពលោក ហើយនេះក៏ជាការរកឃើញថ្មីដ៏សំខាន់មួយដែលត្រូវបានចេញផ្សាយដោយក្រុមអ្នកស្រាវជ្រាវអន្តរជាតិនៅក្នុងទស្សនាវដ្តី Science ។
ក្រុមការងារបានបញ្ជាក់ថា ពួកគេសម្រេចបាននូវការរកឃើញមេរោគដ៏ច្រើនលើសលុបនេះដោយប្រើការវិភាគតាមម៉ាស៊ីនពីការយកសំណាកទឹកប្រមាណ ៣៥,០០០ ពីជុំវិញពិភពលោក ។
ទន្ទឹមនោះ ក្រុមនេះក៏កំពុងស្វែងរកជាពិសេសសម្រាប់មេរោគថ្មីដែលមានលំដាប់ហ្សែន RNA ផងដែរ បន្ទាប់ពីលំដាប់ហ្សែន RNA មួយចំនួនដែលត្រូវបានរកឃើញតាមសេចក្តីរាយការណ៍មានផ្ទុកហ្សែន RdRp ដែលបានវិវឌ្ឍជាងរាប់ពាន់លានឆ្នាំ ពោលមានអាយុកាលតាំងពីកំណើតនៅលើផែនដីមកម្ល៉េះ ។
លោក Matthew Sullivan អ្នកដឹកនាំការស្រាវជ្រាវមកពីសាកលវិទ្យាល័យ Ohio State បាននិយាយនៅក្នុងសេចក្តីថ្លែងការណ៍មួយថា “មានភាពចម្រុះថ្មីៗជាច្រើននៅទីនេះ ហើយវាជាអំបូរ “Taraviricota” ត្រូវបានរកឃើញពាសពេញមហាសមុទ្រ ដែលបង្ហាញថាពួកវាមានសារៈសំខាន់ខាងអេកូឡូស៊ី” ។
អ្នកវិទ្យាសាស្ត្រនិយាយថា អំបូរ “Taraviricota” ដែលទើបរកឃើញថ្មីអាចជាតំណភ្ជាប់បាត់នៅក្នុងការវិវត្តន៍នៃមេរោគ RNA ដើមដែលមានអាយុកាលរាប់ពាន់លានឆ្នាំ ហើយអំបូរថ្មីមួយទៀតគឺ “Arctiviricot” កំពុងរីករាលដាល និងលេចធ្លោខ្លាំងនៅក្នុងមហាសមុទ្រ ។
លោក Sullivan បញ្ជាក់ថា ការស្រាវជ្រាវនៃប្រភេទ ឬអំបូរថ្មីទាំងនេះនឹងផ្តល់នូវចំណេះដឹងជាមូលដ្ឋានដ៏សំខាន់ក្នុងការរួមបញ្ចូលមេរោគនៃលំដាប់ហ្សេន RNA ទៅក្នុងគំរូអេកូឡូស៊ី និងរោគរាតត្បាតជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ RT
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង