ព័ត៌មានអន្ដរជាតិ
អ៊ីរ៉ាក់ ជួបព្យុះធូលី ខ្លាំងក្លា មនុស្សជាង ៥ពាន់នាក់ ត្រូវចូលព្យាបាលក្នុងមន្ទីរពេទ្យ (មានវីដេអូ)
មនុស្សម្នាក់បានស្លាប់នៅក្នុងប្រទេសអ៊ីរ៉ាក់ ហើយជាង ៥ពាន់នាក់ ត្រូវចូលព្យាបាលបញ្ហាផ្លូវដង្ហើមនៅក្នុងមន្ទីរពេទ្យកាលពីថ្ងៃព្រហស្បតិ៍ទី០៥ខែឧសភា ដោយសារតែព្យុះធូលី ជាលើកទី៧ក្នុងរយៈពេលមួយខែ។
ពលរដ្ឋនៃខេត្តចំនួន៦ ក្នុងចំណោមខេត្តទាំង១៨របស់ប្រទេសអ៊ីរ៉ាក់ រួមទាំងទីក្រុងបាកដាដ និងតំបន់ភាគខាងលិចដ៏ធំ Al-Anbar ផងដែរ បានបង្ហាញភាពភ្ញាក់ផ្អើលជាថ្មីម្តងទៀត ដោយសារតែធូលីដ៏ក្រាស់ ដែលគ្របដណ្តប់លើផ្ទៃមេឃ។
នៅពេលព្យុះបានបោកបក់ពាសពេញប្រទេសអ៊ីរ៉ាក់, រដ្ឋធានីបាកដាដ និងទីក្រុងដ៏បរិសុទ្ធ Najaf ត្រូវបានគ្របដណ្តប់ដោយធូលីដែលមានសារធាតុពុល។
ព្យុះធូលីបានកើនឡើងយ៉ាងខ្លាំង នៅក្នុងប្រទេសអ៊ីរ៉ាក់នារយៈពេលប៉ុន្មានឆ្នាំចុងក្រោយនេះ ដែលជំរុញដោយការរិចរិលដី និងគ្រោះរាំងស្ងួតធ្ងន់ធ្ងរ ដែលកាន់តែអាក្រក់ទៅៗដោយការប្រែប្រួលអាកាសធាតុ ជាមួយនឹងការកើនឡើងសីតុណ្ហភាព និងអត្រាភ្លៀងធ្លាក់ ថយចុះខ្លាំង។
អ្នកនាំពាក្យក្រសួងសុខាភិបាលលោក Seif al-Badr បាននិយាយនៅក្នុងសេចក្តីថ្លែងការណ៍មួយថា “ការស្លាប់មនុស្សម្នាក់ត្រូវបានកត់ត្រានៅក្នុងទីក្រុងបាកដាដ ហើយមន្ទីរពេទ្យបានទទួលអ្នកមានបញ្ហាសុខភាពមិនតិចជាង ៥០០០ករណីនោះទេ”។
លោកបន្តថា អ្នកដែលទទួលរងផលប៉ះពាល់ខ្លាំងបំផុត គឺអ្នកដែលមានជំងឺផ្លូវដង្ហើមរ៉ាំរ៉ៃដូចជាជំងឺហឺត និងមនុស្សចាស់ដែលមានជំងឺបេះដូង។
ព្យុះធូលី និងព្យុះខ្សាច់តែងតែកើតឡើងនៅតំបន់មជ្ឈិមបូព៌ា ប៉ុន្តែកាន់តែញឹកញាប់ និងខ្លាំងឡើងក្នុងរយៈពេលប៉ុន្មានឆ្នាំថ្មីៗនេះ។ បញ្ហានេះត្រូវបានគេផ្សារភ្ជាប់ ទៅនឹងការប្រើប្រាស់ទឹកទន្លេហួសកម្រិត ទំនប់វារីអគ្គិសនីកាន់តែច្រើន ការចិញ្ចឹមសត្វច្រើនពេកនាំឲ្យដីគ្មានស្មៅ និងការកាប់បំផ្លាញព្រៃឈើ។
ភាគល្អិតធូលី អាចបណ្តាលឲ្យមានបញ្ហាសុខភាពដូចជាជំងឺហឺត និងជំងឺសរសៃឈាមបេះដូង ហើយថែមទាំងរីករាលដាលបាក់តេរី និងមេរោគ ព្រមទាំងសត្វល្អិត និងជាតិពុលផ្សេងទៀតផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ព្យុះខ្សាច់ ដ៏ធំសម្បើមមួយកំពុងបោកបក់គ្របដណ្ដប់ខេត្តភាគពាយ័ព្យប្រទេសចិន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង