ព័ត៌មានអន្ដរជាតិ
លោក Zelensky ៖ ពិភពលោកកំពុងគិតខុសលើ អ៊ុយក្រែន ថានឹងត្រូវ រុស្ស៊ី កម្ទេចរយៈពេល ៣ ថ្ងៃ (មានវីដេអូ)
ប្រធានាធិបតីអ៊ុយក្រែនលោក Volodymyr Zelensky បាននិយាយថា “ពិភពលោកកំពុងគិតខុសលើអ៊ុយក្រែនថានឹងត្រូវរុស្ស៊ីកម្ទេចក្នុងរយៈពេលត្រឹមតែ ៣ ថ្ងៃ ប៉ុន្តែអ្វីដែលគួរឲ្យភ្ញាក់ផ្អើលដល់ពិភពលោកនោះ យើងបានប្រយុទ្ធមិនមែន ៣ ថ្ងៃ មិនមែន ៣០ ថ្ងៃ គឺ ៣ ខែរួចទៅហើយ” ។
នៅក្នុងបទសម្ភាសន៍ផ្ដាច់មុខជាមួយសារព័ត៌មានជប៉ុន NHK ដែលបានធ្វើឡើងនៅទីក្រុងកៀវ លោក Zelensky ក៏បានអះអាងដែរថា សន្តិភាពរបស់អ៊ុយក្រែនគឺមិនមានការប្រគល់ទឹកដីណាមួយទៅឲ្យប្រទេសដទៃឡើយ ។
លោកបញ្ជាក់ថា “សម្រាប់ប្រជាជនអ៊ុយក្រែនទាំងអស់ ជ័យជម្នះគឺការដណ្តើមយកទឹកដីរបស់យើងមកវិញ រួមទាំងតំបន់ Donbas និងឧបទ្វីបគ្រីមៀជាដើម ។ ប៉ុន្តែជាដំបូង យើងកំពុងប្រយុទ្ធដើម្បីទទួលបានទឹកដីរបស់យើងត្រឡប់មកវិញ ដូចកាលនៅមុនការលុកលុយថ្ងៃទី ២៤ ខែកុម្ភៈ ហើយបន្ទាប់មក យើងនឹងស្នើឲ្យរុស្ស៊ីចូលមកតុចរចាដើម្បីបញ្ចប់សង្គ្រាមនេះ ។
ជាចុងក្រោយលោក Zelensky បាននិយាយថា ចំណែកការទទួលបានការគ្រប់គ្រងឡើងវិញនៃតំបន់នៅតាមបណ្តោយសមុទ្រខ្មៅ និងសមុទ្រ Azov ក៏នឹងជួយទប់ស្កាត់វិបត្តិស្បៀងអាហារពិភពលោកដែលកំពុងកើតមានផងដែរ ហើយអ៊ុយក្រែននឹងអាចបញ្ជូនស្រូវសាលី និងពោតចេញទៅអឺរ៉ុប អាស៊ី និងអាហ្រ្វិក ដើម្បីសម្រាលការខ្វះខាតទាំងនោះឡើងវិញ ។
គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលដល់ជាង ៣ ហើយ បន្ទាប់ពីទីក្រុងមូស្គូបើកការវាយលុកលើទីក្រុងកៀវកាលពីថ្ងៃទី ២៤ ខែកុម្ភៈ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ប្រទេសលោកខាងលិច និងរុស្ស៊ី តឹងសរសៃ ក ដាក់គ្នាជុំវិញសង្គ្រាមព័ត៌មាន នៅ អ៊ុយក្រែន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore