Connect with us

ព័ត៌មានអន្ដរជាតិ

ប្រទេសលោកខាងលិច និងរុស្ស៊ី តឹងសរសៃ ក ដាក់គ្នាជុំវិញសង្គ្រាមព័ត៌មាន នៅ អ៊ុយក្រែន

បានផុស

នៅ

បណ្តាប្រទេសលោកខាងលិច និងរុស្ស៊ីបានតឹងសរសៃ ក ដាក់គ្នា និងបានចោទប្រកាន់គ្នាទៅវិញទៅមកនៅឯកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ (UNSC) អំពីសង្គ្រាមព័ត៌មាន និងការវាយប្រហារតាមអ៊ីនធឺណិត ទាក់ទងនឹងសង្គ្រាមលុកលុយរបស់រុស្ស៊ីលើអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិលោកស្រី Linda Thomas-Greenfield បានរិះគន់ការប្រើប្រាស់បច្ចេកវិទ្យាឌីជីថលខុសដើម្បីរំលោភសិទ្ធិមនុស្ស និងជម្លោះប្រេងឥន្ធនៈ ។ លោកស្រីបាននិយាយថា “រដ្ឋាភិបាលរុស្ស៊ីនៅតែបន្តបិទ រឹតបន្តឹង និងធ្វើឲ្យខូចការភ្ជាប់អ៊ីនធឺណិត ហើយផ្សព្វផ្សាយព័ត៌មានមិនពិតតាមអ៊ីនធឺណិត” ។

លោកស្រី​បាន​បន្ថែម​ថា ទីក្រុង​ម៉ូស្គូ​ក៏​នៅ​តែ​បន្ត​បំភិតបំភ័យ និង​ចាប់​ខ្លួន​អ្នក​កាសែត​ពី​បទ​រាយការណ៍​ការពិត​អំពី​សង្គ្រាមលុកលុយ​របស់​រុស្ស៊ីផងដែរ ។

ចំណែកឯកអគ្គរដ្ឋទូតបារាំងប្រចាំអង្គការសហប្រជាជាតិលោក Nicolas de Riviere ក៏បានចោទប្រកាន់រុស្ស៊ីដែរថាបានធ្វើការវាយលុកតាមប្រព័ន្ធអ៊ីនធឺណិតលើបណ្តាញផ្កាយរណប មួយម៉ោង មុនពេលទីក្រុងមូស្គូចូលលុកលុយអ៊ុយក្រែន ។

ភ្លាមៗនោះ ឯកអគ្គរដ្ឋទូតអង្គការសហប្រជាជាតិរបស់រុស្ស៊ី លោក Vassily Nebenzia បានឆ្លើយតបនឹងការចោទប្រកាន់នេះវិញថា យុទ្ធនាការរបស់លោកខាងលិចក្នុងការផ្សព្វផ្សាយព័ត៌មានមិនពិត និងរៀបចំព័ត៌មានអំពីប្រទេសរុស្ស៊ីបានប្រព្រឹត្តទៅក្នុងទំហំ និងកម្លាំងដែលមិនធ្លាប់មានពីមុនមក ។

លោកបាននិយាយថា ការធ្វើទំនើបកម្មយោធារបស់លោកខាងលិចក្នុងសម័យឌីជីថលក៏កំពុងបង្កើនការគំរាមកំហែងនៃការប្រឈមមុខដាក់គ្នាខាងយោធាដោយផ្ទាល់ផងដែរ ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលដល់ខែទី ៤ ហើយ បន្ទាប់ពីទីក្រុងមូស្គូបើកការវាយលុកលើទីក្រុងកៀវកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ពិភពលោកកំពុងល្វីងមុខនឹងបញ្ហាធំៗចំនួន ៣

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម