ព័ត៌មានអន្ដរជាតិ
UN៖ ការប្រហារជីវិតនៅមីយ៉ាន់ម៉ា អាចជាឧក្រិដ្ឋកម្មសង្គ្រាម
មន្ត្រីអង្គការសហប្រជាជាតិ (UN) មួយរូប បាននិយាយកាលពីថ្ងៃចន្ទទី២០ខែមិថុនាថា ផែនការរបស់យោធាមីយ៉ាន់ម៉ាក្នុងការប្រហារជីវិតគូប្រជែងនយោបាយ អាចបង្កទៅជាឧក្រិដ្ឋកម្មសង្គ្រាម ឬឧក្រិដ្ឋកម្មប្រឆាំងមនុស្សជាតិ។
យោធាមីយ៉ាន់ម៉ាបាននិយាយនៅថ្ងៃទី ៣ ខែមិថុនាថា ខ្លួននឹងប្រហារជីវិតអតីតសមាជិកសភាមកពីគណបក្សរបស់លោកស្រី អ៊ួងសាន ស៊ូជី និងសកម្មជនគណបក្សប្រជាធិបតេយ្យដ៏លេចធ្លោម្នាក់ ដែលអ្នកទាំង២ត្រូវបានកាត់ទោសពីបទភេរវកម្ម នៅក្នុងអ្វីដែលនឹងក្លាយជាការកាត់ទោសតាមផ្លូវតុលាការជាលើកដំបូងរបស់ប្រទេសនេះ ចាប់តាំងពីឆ្នាំ ១៩៩០មក។
អ្នកនាំពាក្យយោធាលោក Zaw Min Tun បានប្រាប់ AFP នៅពេលនោះថា មនុស្សបួននាក់ រួមទាំងអតីតសមាជិកសភា Phyo Zeya Thaw និងសកម្មជនប្រជាធិបតេយ្យ Ko Jimmy ផងដែរ នឹងត្រូវព្យួរក តាមនីតិវិធីពន្ធនាគារ។
ទោះបីជាយ៉ាងណាក៏ដោយ លោក Nicholas Koumjian ប្រធានយន្តការស៊ើបអង្កេតឯករាជ្យរបស់ UN សម្រាប់មីយ៉ាន់ម៉ាបាននិយាយថា លោកកំពុងតាមដានករណីនេះយ៉ាងយកចិត្តទុកដាក់ជាទីបំផុត។
និយាយអំពីការកាត់ក្តីដែលបិទទ្វា លោក Koumjian លើកឡើងថា “ព័ត៌មានដែលមាន គឺបានបង្ហាញយ៉ាងមុតមាំថា នៅក្រោមច្បាប់អន្តរជាតិ សិទ្ធិជាមូលដ្ឋានរបស់ជនជាប់ចោទ ត្រូវបានរំលោភបំពានយ៉ាងធ្ងន់ធ្ងរនៅក្នុងដំណើរការនីតិវិធីទាំងនេះ។ ការដាក់ទោសប្រហារជីវិត ឬសូម្បីតែរយៈពេលនៃការឃុំខ្លួន ដោយផ្អែកលើដំណើរការនីតិវិធីដែលមិនបំពេញតម្រូវការជាមូលដ្ឋាននៃការកាត់ក្តីដោយយុត្តិធម៌ អាចបង្កើតជាឧក្រិដ្ឋកម្មប្រឆាំងមនុស្សជាតិ ឬឧក្រិដ្ឋកម្មសង្គ្រាមមួយ ឬច្រើន”។
គួរបញ្ជាក់ថា យោធាមីយ៉ាន់ម៉ាបានកាត់ទោសប្រហារជីវិតសកម្មជនប្រឆាំងរដ្ឋប្រហារ រាប់សិបនាក់ ដែលជាផ្នែកមួយនៃការបង្រ្កាបលើការមិនពេញចិត្តរបស់ខ្លួន បន្ទាប់ពីដណ្តើមបានអំណាចកាលពីឆ្នាំមុន ប៉ុន្តែមីយ៉ាន់ម៉ាមិនបានអនុវត្តការប្រហារជីវិតទេ អស់រយៈពេលជាច្រើនទសវត្សរ៍មកហើយ។
លោក Koumjian និយាយថា ដើម្បីឲ្យការកាត់ក្តីត្រូវបានចាត់ទុកថាមានភាពយុត្តិធម៌ វាត្រូវតែធ្វើឡើងជាសាធារណៈក្នុងកម្រិតធំបំផុតតាមដែលអាចធ្វើទៅបាន៕
ប្រែសម្រួល៖ Vann Vann
ប្រភព៖ CNA
ចុចអាន៖ មីយ៉ាន់ម៉ា នឹងកាត់ទោសប្រហារជីវិតមនុស្ស ៤ នាក់ជាលើកដំបូងក្នុងរយៈ ពេល ជាង ៣០ ឆ្នាំ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore