ព័ត៌មានអន្ដរជាតិ
លោក ប្រាយុទ្ធ នឹងពិភាក្សាជាមួយ កម្ពុជា លើតំបន់សេដ្ឋកិច្ចពិសេសខាង សមុទ្រដើម្បីរកប្រភពថាមពល
កាលពីរសៀលថ្ងៃទី៤ ខែកក្កដា ឆ្នាំ២០២២ នាយករដ្ឋមន្ត្រីថៃលោក ប្រាយុទ្ធ ចាន់អូចា បានដឹកនាំកិច្ចប្រជុំក្រុមប្រឹក្សាសន្តិសុខជាតិលើកទី ២ ប្រចាំឆ្នាំ ២០២២ ហើយនេះជាកិច្ចប្រជុំពេញអង្គរបស់គណៈកម្មការ ដែលរួមមានក្រសួងទទួលបន្ទុកផ្នែកសន្តិសុខ ក្រសួងទទួលបន្ទុកផ្នែកសេដ្ឋកិច្ច និងបណ្តាក្រសួងស្ថាប័នពាក់ព័ន្ធជាច្រើនទៀតផងដែរ ។
បន្ទាប់ពីកិច្ចប្រជុំអស់រយៈពេលជាង ៣ ម៉ោងដែលផ្តោតលើវិស័យសន្តិសុខ សេដ្ឋកិច្ច និងថាមពល លោក ប្រាយុទ្ធ ចាន់អូចា បានថ្លែងថា ថ្ងៃនេះយើងបានពិភាក្សា និងរៀបចំផែនការដើម្បីទប់ទល់ស្ថានការណ៍ ជាពិសេសបញ្ហាថាមពល ប្រសិនបើយើងគ្រប់គ្នាធ្វើការតាមដានពីវឌ្ឍនភាពនៃព្រឹត្តិការណ៍ និងស្ថានការណ៍ពិភពលោកបច្ចុប្បន្ន ។
ជាមួយគ្នានេះ លោក ប្រាយុទ្ធ ចាន់អូចា នៅបានឆ្លើយនឹងសំណួរអ្នកសារព័ត៌មានដែលសួរថា តើនឹងមានការពិចារណាលើតំបន់ត្រួតស៊ីគ្នារវាងថៃ និងកម្ពុជា ដើម្បីស្វែងរកប្រភពថាមពលដែរឬទេ? លោក ប្រាយុទ្ធ ឆ្លើយថា យើងត្រូវតែពិភាក្សាគ្នា យើងកុំទៅប្រើតំបន់នោះអី! តើយើងនឹងអាចរកវិធីជជែកគ្នាក្នុងរូបរាងតំបន់សេដ្ឋកិច្ចពិសេសខាងសមុទ្របានដែរឬទេ? ដើម្បីឆ្ពោះទៅរកការចរចា! កុំពាក់ព័ន្ធនឹងរឿងព្រំដែន ប្រយ័ត្នវានឹងក្លាយទៅជាបញ្ហាធំទាំងអស់ ។ ត្រូវពិនិត្យមើលថា តើថ្ងៃនេះវាមានភាពចាំបាច់ដែរឬទេ? ។
លោក ប្រាយុទ្ធ បញ្ជាក់ថា មានបញ្ហាជាច្រើនដែលការិយាល័យក្រុមប្រឹក្សាសន្តិសុខជាតិត្រូវយកចិត្តទុកដាក់ ជាពិសេសលើបញ្ហាសន្តិសុខជាតិ ។ រីឯបញ្ហាសន្តិសុខផ្នែកសេដ្ឋកិច្ច និងថាមពល ក៏ជាបញ្ហាមួយទៀតផងដែរ ប៉ុន្តែនាពេលបច្ចុប្បន្ននេះ បញ្ហាដែលប៉ះពាល់ និងឈានទៅដល់ការរៀបចំផែនការត្រៀមលក្ខណៈទុកជាមុននេះគឺទី ១ រឿងនយោបាយសន្តិសុខអន្តរជាតិ ទី២ សេដ្ឋកិច្ចពិភពលោក ពាណិជ្ជកម្ម និងការវិនិយោគបរទេស ទី៣ គឺបញ្ហាថាមពល ខណៈទី ៤ ជាបញ្ហាហិរញ្ញវត្ថុ និងធនាគារ ហើយចុងក្រោយគឺ ផលប៉ះពាល់ផ្នែកទេសចរណ៍ ។
លោក ប្រាយុទ្ធ បន្តថា បញ្ហាទាំងនេះត្រូវបានគេវិភាគថា បណ្តាលមកពីមូលហេតុឥទ្ធិពលនៃសង្គ្រាម រួមទាំងសង្គ្រាមពាណិជ្ជកម្មដែលអូសបន្លាយ ក៏ដូចជាថាតើនឹងមានអ្វីកើតឡើងក្នុងរយៈពេលពី ៣ ទៅ ៦ ខែ ឬលើសពី ៦ខែ? ដូច្នេះយើងត្រូវត្រៀមខ្លួនដើម្បីទប់ទល់ ដើម្បីធ្វើយ៉ាងណាឲ្យមានផលប៉ះពាល់តិចបំផុតដល់ប្រទេសថៃ ៕
ប្រែសម្រួលដោយ ៖ គង់ សំអាន
ប្រភព ៖ Siamrath
ចុចអាន ៖ អូមីក្រុងពូជថ្មី ២ ប្រភេទកំពុងគ្របដណ្ដប់ករណីឆ្លងកូវីដនៅ ថៃ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម