ព័ត៌មានអន្ដរជាតិ
រដ្ឋមន្ត្រីអង់គ្លេសម្នាក់ទៀត លាលែងពីតំណែង
លោក Simon Hart បានលាលែងពីតំណែងជារដ្ឋលេខាធិការប្រចាំប្រទេស វ៉ែលស៍ បន្ទាប់ពីលោក Boris Johnson បដិសេធចុះចេញពីតំណែង ថ្វីបើមានការអំពាវនាវពីគណៈរដ្ឋមន្ត្រីផ្ទាល់មួយចំនួន ឲ្យលាលែងក៏ដោយ។
មុននេះ លោក Hart ស្ថិតក្នុងចំណោមរដ្ឋមន្ត្រីខុទ្ទកាល័យ ដែលបានប្រាប់លោក Johnson ថា លោកគួរតែស្តាប់ទស្សនៈដ៏លើសលប់នៅក្នុងគណបក្សអភិរក្ស។
ប្រភពជាន់ខ្ពស់ក្នុងការិយាល័យប្រធានាធិបតី បានប្រាប់ Sky News ថា លោក Johnson នៅតែរឹងរូស ហើយមិនមានបំណងលាលែងទេ។ ប្រភពដដែលបន្ថែមថា លោកនាយករដ្ឋមន្ត្រីចង់ប្រយុទ្ធជាបន្ត។
នៅក្នុងលិខិតផ្ញើជូនលោក Johnson, លោក Hart ដែលចូលកាន់តំណែងតាំងពីឆ្នាំ ២០១៩ បាននិយាយថា “ខ្ញុំមិនដែលជាអ្នកគាំទ្រដល់ការយកការលាលែងពីតំណែងរបស់រដ្ឋមន្ត្រី ធ្វើជាមធ្យោបាយដ៏ល្អបំផុតក្នុងការបង្ខំឲ្យមានការផ្លាស់ប្តូរនោះទេ។ សហសេវិក បានប្រឹងប្រែងអស់ពីសមត្ថភាពក្នុងលក្ខណៈឯកជន និងសាធារណៈ ដើម្បីជួយអ្នកបង្វែរទិសដៅ ប៉ុន្តែវាជារឿងសោកសៅដែលខ្ញុំមានអារម្មណ៍ថា យើងបានឆ្លងកាត់ចំណុចដែលអាចធ្វើទៅបានហើយ”។
គួរបញ្ជាក់ថា លោក Hart បានក្លាយជារដ្ឋមន្ត្រីទី៣ក្នុងជួរគណៈរដ្ឋមន្ត្រី ដែលបានលាលែងពីតំណែង បន្ទាប់ពីរដ្ឋមន្ត្រីក្រសួងសុខាភិបាល លោក Sajid Javid និងអធិការបតី Rishi Sunak៕
ប្រែសម្រួល៖ Vann Vann
ប្រភព៖ SKY
ចុចអាន៖ លោក Johnson ជួបបញ្ហាធំ! រដ្ឋមន្ត្រីជាន់ខ្ពស់អង់គ្លេស ២រូប លាលែងតំណែង ដើម្បីតវ៉ាការដឹកនាំ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង