Connect with us

ព័ត៌មានអន្ដរជាតិ

អ្នកជំនាញថៃ ព្យាករអំពីពេលវេលាដែលទីក្រុង បាងកក នឹងលិចបាត់ក្រោមទឹក (មានវីដេអូ)

បានផុស

នៅ

នាយកមជ្ឈមណ្ឌលបម្រែបម្រួលអាកាសធាតុ និងគ្រោះមហន្តរាយ នៃសាកលវិទ្យាល័យ Rangsit លោកបណ្ឌិត Seree Supharathit បានធ្វើផែនទីដែលលាតត្រដាងឲ្យឃើញ ទីក្រុងបាងកក និងតំបន់របស់ខ្លួន នឹងលិចលង់ ហើយបាត់ខ្លួននៅត្រឹមឆ្នាំ ២១០០។ លោកថា ប្រសិនបើរដ្ឋាភិបាល មិន​បាន​ធ្វើ​អ្វី​ដើម្បី​ទប់​ស្កាត់​រឿង​នេះ​ទេនោះ ​រាជធានីចាំបាច់ត្រូវតែផ្លាស់ទី។

លោកបណ្ឌិត Seree Supharathit
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត Seree បានកត់សម្គាល់ថា ប្រទេសថៃ នឹងមានភ្លៀងធ្លាក់កាន់តែច្រើន ចាប់ពីខែកញ្ញាដល់ខែវិច្ឆិកា ហើយនាយកដ្ឋានឧតុនិយមបានព្យាករណ៍ថា ព្យុះត្រូពិកពី ២ ទៅ ៣ អាចវាយប្រហារប្រទេសនេះ។ ​ថៃ ​អាច​នឹងជួប​ភ្លៀង​ធ្លាក់​ខ្លាំង​បំផុត​មិនធ្លាប់ប្រទះ ​ក្នុង​រយៈ​ពេល​១០០​ឆ្នាំ។

នៅឆ្នាំនេះ ទឹកជំនន់នឹងកើតឡើងដោយសារខ្យល់ព្យុះ ដែលអាចរំកិលទៅតំបន់កណ្តាល ហើយជន់លិចដីស្រែចម្ការ និងហូរហៀរដល់តំបន់សេដ្ឋកិច្ច។ ឥឡូវ ទំនប់​ Pa Sak ​ ​ពេញ​ហើយ បើ​បង្ហូរទឹក​ទៅ​ខាង​កើត នោះវា​នឹង​ហូរ​ទៅ​ប្រឡាយ Rangsit។ ពេល​ទឹក ជន់លិច​ប្រឡាយ​ Phraya Banlue អ្នកក្រុង​បាងកក ត្រូវតែ​ចាប់ផ្តើម​រៀបចំការ​ការពារ​ខ្លួន។

ស្របពេលជាមួយគ្នានោះដែរ លោកបណ្ឌិត Seree បានអំពាវនាវដល់អាជ្ញាធរ រួមទាំងអភិបាលក្រុងបាងកក លោក Chadchart Sittipunt ផងដែរ ឲ្យមានតម្លាភាពអំពីទឹកជំនន់ និងវិធានការទប់ទល់។ លោក​ថា រដ្ឋាភិបាល​មិន​បាន​បញ្ចេញ​ព័ត៌មាន​ច្បាស់​លាស់​ដល់​សាធារណជន​ទេ ហើយ​នៅ​តែ​ប្រកាន់ខ្ជាប់​វិធានការចាស់ ១៣ ចំណុច​ដែល​មិនអាច​ផ្តល់​ការ​ការពារបាន។

ទោះបីជាយ៉ាងណាក៏ដោយ អ្នក​ជំនាញ​បាន​ធ្វើការ​ទស្សន៍ទាយ​ខុសៗ​គ្នា ​អំពី​ពេល​វេលាដែល​ទីក្រុង​បាងកក​នឹង​លិចបាត់។ នៅឆ្នាំ២០១៩ អ្នកស្រាវជ្រាវព្យាករថា បាងកក អាចលិចបាត់នៅឆ្នាំ២០៥០៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ អ្នកជំនាញព្រមានថា ទីក្រុងបាងកក ប្រឈមគ្រោះទឹកជំនន់ដ៏ធំដូចកាល ១០ ឆ្នាំមុន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម