EU ចោទថា រុស្សុីកំពុងផ្សព្វផ្សាយព័ត៌មានមិនពិតដើម្បីឲ្យវ៉ាក់សាំងរបស់ខ្លួនលក់ដាច់ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

EU ចោទថា រុស្សុីកំពុងផ្សព្វផ្សាយព័ត៌មានមិនពិតដើម្បីឲ្យវ៉ាក់សាំងរបស់ខ្លួនលក់ដាច់

Published

on

អ្នកការទូតជាន់ខ្ពស់របស់សហភាពអ៊ឺរ៉ុប (EU) បានអះអាងកាលពីថ្ងៃចន្ទថា ប្រទេសរុស្ស៊ីបានផ្តល់ព័ត៌មានមិនពិតអំពីវ៉ាក់សាំងក្រុមហ៊ុនផ្សេងទៀតដើម្បីលើកតម្កើនវ៉ាក់សាំងការពារជំងឺកូវីដ ១៩ របស់ខ្លួន ។

ដោយសរសេរនៅលើប្លុកផ្លូវការរបស់ខ្លួនអំពីការគំរាមកំហែងនៃការផ្សព្វផ្សាយព័ត៌មានមិនពិត ប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បានសរសេរថា “បរទេសមួយចំនួនមិនថាជារដ្ឋ ឬមិនមែនរដ្ឋសុទ្ធតែធ្វើយុទ្ធនាការផ្សព្វផ្សាយព័ត៌មានមិនពិត ហើយការផ្សព្វផ្សាយព័ត៌មានមិនពិត ឬបំភាន់នោះគឺដោយចេតនា” ។

លោកបានបន្តថា “ជាឧទាហរណ៍ ក្រុមហ៊ុនផលិតវ៉ាក់សាំងលោកខាងលិចត្រូវបានគេចំអកមើលងាយជាសាធារណៈលើប្រព័ន្ធផ្សព្វផ្សាយពហុភាសារបស់រុស្ស៊ីដែលក្នុងករណីខ្លះនាំឲ្យមានការអះអាងដែលមិនសមហេតុផលថា វ៉ាក់សាំងនឹងប្រែក្លាយមនុស្សទៅជាស្វា ។ ការលើកឡើងបែបនោះត្រូវបានធ្វើឡើងតាមបណ្តាប្រទេសដែលរុស្ស៊ីចង់លក់វ៉ាក់សាំងរបស់ខ្លួនដែលមានឈ្មោះថា Sputnik V” ។

ទន្ទឹមនោះលោក Borrell មិនបានលើកឡើងពីប្រព័ន្ធផ្សព្វផ្សាយ ឬកន្លែងជាក់លាក់ណាមួយដែលព័ត៌មានមិនពិតត្រូវបានផ្សព្វផ្សាយនោះទេ ។

លោកបានព្រមានបន្ថែមទៀតថា “នៅក្នុងការរីករាលដាលនៃរោគរាតត្បាតនាពេលបច្ចុប្បន្ន ការប៉ុនប៉ងដើម្បីបង្កឲ្យមានការសង្ស័យគ្មានមូលដ្ឋានអាចគំរាមកំហែងដល់សុខភាពសាធារណៈ ។ អង្គការភេរវករដូចជា ក្រុម Da’esh (ដែលត្រូវបានគេស្គាល់ថាជា ISIS) ក៏បានប្រើភាពច្របូកច្របល់ក្នុងស្ថានភាពវិបត្តិកូរ៉ូណានេះដើម្បីផ្សព្វផ្សាយការឃោសនាផ្ទាល់ខ្លួនរបស់ពួកគេផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មនុស្ស ៨ នាក់ត្រូវបញ្ជូនទៅមន្ទីរពេទ្យដោយសារចាក់វ៉ាក់សាំងកូវីដលើសកម្រិតនៅ អាល្លឺម៉ង់

ចុចអាន ៖ អង់គ្លេសប្រមែប្រមូលគ្រូពេទ្យនិងអ្នកស្ម័គ្រចិត្ត១ម៉ឺននាក់ ជួយដល់ប្រតិបត្តិការចាក់វ៉ាក់សាំងកូវីដ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services