ព័ត៌មានអន្ដរជាតិ
ជប៉ុន ផ្អាកកម្មវិធីបណ្ដុះបណ្ដាលដល់យោធា មីយ៉ាន់ម៉ា ក្រោយការប្រហារជីវិតសកម្មជនគាំទ្រលទ្ធិប្រជាធិបតេយ្យ
ក្រសួងការពារជាតិប្រទេសជប៉ុនបាននិយាយថា នឹងផ្អាកការបណ្តុះបណ្តាលដល់យោធាមីយ៉ាន់ម៉ា ចាប់ពីឆ្នាំក្រោយតទៅ បន្ទាប់ពីមានការប្រហារជីវិតសកម្មជនគាំទ្រលទ្ធិប្រជាធិបតេយ្យដោយយោធាមីយ៉ាន់ម៉ា ។
កាលពីខែកក្កដា ឆ្នាំ២០២២ យោធាមីយ៉ាន់ម៉ាបានកាត់ទោសប្រហារជីវិតសកម្មជនគាំទ្រលទ្ធិប្រជាធិបតេយ្យចំនួន ៤ រូប ក្នុងនោះរួមមានអតីតសមាជិកសភាម្នាក់មកពីគណបក្សរបស់លោកស្រី អ៊ុងសាន ស៊ូជី ផងដែរ ។
ទន្ទឹមនោះ នៅមុនការកាត់ទោសប្រហារជីវិតនេះ រដ្ឋមន្ត្រីការពារជាតិជប៉ុន លោក Nobuo Kishi បានអំពាវនាវឲ្យយោធាមីយ៉ាន់ម៉ាបញ្ចប់អំពើហិង្សាឲ្យបានឆាប់តាមដែលអាចធ្វើទៅបាន ហើយចាប់ផ្តើមដំណើរការស្តារលទ្ធិប្រជាធិបតេយ្យឡើងវិញ ។
ចាប់តាំងពីឆ្នាំ ២០១៥ ប្រទេសជប៉ុនបានជ្រើសរើសសមាជិករបស់កងទ័ពមីយ៉ាន់ម៉ាចំនួន ៣០ នាក់ ដែលជានិស្សិតពីទីកន្លែងផ្សេងៗគ្នា រួមទាំងវិទ្យាស្ថានការពារជាតិផងដែរ ។
កម្មវិធីនេះមានគោលបំណងដើម្បីជួយដល់និស្សិតឲ្យទទួលបាននូវចំណេះដឹងត្រឹមត្រូវអំពីលទ្ធិប្រជាធិបតេយ្យ និងភាពជាអ្នកដឹកនាំស៊ីវិលរបស់កងទ័ព ។
ចំណែកបច្ចុប្បន្ន នៅក្នុងកម្មវិធីនេះមានបុគ្គលិកផ្នែកយោធាមីយ៉ាន់ម៉ាចំនួន ១១ នាក់នៅក្នុងប្រទេសជប៉ុន ហើយពួកគេទាំងនេះ នឹងត្រូវបានទទួលការអនុញ្ញាតដើម្បីទទួលការបណ្តុះបណ្តាលរហូតដល់ចប់ទាំងស្រុង ប៉ុន្តែនឹងមិនមានការជ្រើសរើសជាថ្មីបន្តទៀតឡើយ ៕
ប្រែសម្រួលដោយ ៖ គង់ សំអាន
ប្រភព ៖ MGR Online
ចុចអាន ៖ តើអ្នកដឹងទេ ជប៉ុន ធ្វើពិធីបុណ្យសពថ្នាក់ជាតិឲ្យអតីតនាយករដ្ឋមន្ត្រីរូបណា មុនលោក អាបេ?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង