ព័ត៌មានអន្ដរជាតិ
តើអ្នកដឹងទេ ជប៉ុន ធ្វើពិធីបុណ្យសពថ្នាក់ជាតិឲ្យអតីតនាយករដ្ឋមន្ត្រីរូបណា មុនលោក អាបេ?
ពិធីកាលពីថ្ងៃអង្គារទី២៧ខែកញ្ញា សម្រាប់លោក អាបេ ស៊ីនហ្សូ គឺជាពិធីបុណ្យសពថ្នាក់ជាតិលើកទីពីរ សម្រាប់អតីតនាយករដ្ឋមន្ត្រី នៅក្នុងប្រវត្តិសាស្ត្រក្រោយសង្រ្គាមរបស់ប្រទេសជប៉ុន បន្ទាប់ពីពិធីមួយធ្វើឲ្យលោក Shigeru Yoshida ក្នុងឆ្នាំ ១៩៦៧។
ពិធីបុណ្យសពថ្នាក់ជាតិរបស់លោក Yoshida ត្រូវបានធ្វើឡើងនៅថ្ងៃទី ៣១ ខែតុលាក្នុងឆ្នាំនោះ ពោលគឺមានរយៈពេល ១១ថ្ងៃបន្ទាប់ពីគាត់ទទួលមរណភាព។ ពិធីនោះ ក៏ធ្វើឡើងនៅសាល Nippon Budokan នៃទីក្រុងតូក្យូផងដែរ ហើយមានផ្សាយផ្ទាល់តាមកញ្ចក់ទូរទស្សន៍ទៀតផង។
យោងតាមកំណត់ត្រាសាធារណៈនៃពិធីបុណ្យសពនោះ, មនុស្សប្រហែល ១៧០ ០០០នាក់ បានឈរមើលរថយន្តដឹកមឈូសលោក Yoshida ចេញពីផ្ទះរបស់គាត់ក្នុងទីក្រុង Oiso ខេត្ត Kanagawa ទៅកាន់កន្លែងប្រារព្ធពិធី។ បុគ្គលិកសន្តិសុខប្រហែល ៨០០០ នាក់ត្រូវបានដាក់ពង្រាយ។
ពិធីបុណ្យសពថ្នាក់ជាតិ មានការចូលរួមដោយមនុស្សជាង ៦០០០នាក់។ អ្នកចូលរួម រួមមានព្រះអង្គម្ចាស់ និងម្ចាស់ក្សត្រី, តំណាងមកពីវិស័យធុរកិច្ច និងវិស័យផ្សេងទៀត ព្រមទាំងគណៈប្រតិភូមកពី ៧២ ប្រទេស។
ពិធីបុណ្យសពថ្នាក់ជាតិនៅជប៉ុន អាចធ្វើឡើងបានដោយផ្អែកលើការយល់ព្រមពីគណៈរដ្ឋមន្ត្រី ឧទាហរណ៍ដូចជាព្រះរាជពិធីបុណ្យសព សម្រាប់អគ្គមហេសីរបស់អធិរាជ Taisho ក្នុងឆ្នាំ ១៩៥១ ជាដើម។
គណៈរដ្ឋមន្ត្រី បានអនុម័តពិធីបុណ្យសពថ្នាក់ជាតិសម្រាប់លោក Yoshida បីថ្ងៃបន្ទាប់ពីការស្លាប់របស់គាត់។ នៅពេលនោះ រដ្ឋាភិបាលបានស្នើឲ្យក្រសួង និងស្ថាប័ននានា បង្ហូតទង់ជាតិនៅពាក់កណ្តាលដង និងស្មិងស្មាធិ៍មួយភ្លែតនៅថ្ងៃបុណ្យសព។
ការិយាល័យខុទ្ទកាល័យបាននិយាយថា ពិធីបុណ្យសពថ្នាក់ជាតិរបស់លោក Yoshida គឺចំណាយប្រហែល ១៨លានយ៉េន ឬប្រហែល ១២៥ ០០០ដុល្លារ បើគិតតាមអត្រាប្រាក់នាពេលសព្វថ្ងៃនេះ។ ពិធីនោះ ត្រូវបានចំណាយទាំងស្រុងដោយមូលនិធិបម្រុងរបស់រាជរដ្ឋាភិបាល៕
ប្រែសម្រួល៖ Vann Vann
ប្រភព៖ NHK
ចុចអាន៖ ពិធីបុណ្យសពថ្នាក់រដ្ឋរបស់លោក Abe បានចាប់ផ្តើម ជាមួយវត្តមានភ្ញៀវបរទេសជាង ៧០០នាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ