ព័ត៌មានអន្ដរជាតិ
ជប៉ុនប្រាប់ប្រជាជនឲ្យប្រារព្ធពិធីឆ្លងឆ្នាំថ្មីដោយស្ងៀមស្ងាត់ ក្រោយជួបបញ្ហាទាំងនេះ
ជើងហោះហើរជាច្រើនត្រូវបានលុបចោលដោយសារមានព្រិលធ្លាក់ខ្លាំងនៅតំបន់ជាច្រើននៃប្រទេសជប៉ុននៅថ្ងៃព្រហស្បតិ៍ ទី៣១ ខែធ្នូ ស្របពេលការប្រារព្ធពិធីចូលឆ្នាំសកលត្រូវបានកាត់បន្ថយ ខណៈដែលប្រទេសនេះកំពុងប្រយុទ្ធនឹងរលកទី ៣ នៃជំងឺរាតត្បាតកូវីដ ១៩ ។
ទន្ទឹមនោះលោកនាយករដ្ឋមន្រ្តីជប៉ុន Yoshihide Suga បានជំរុញឲ្យប្រជាជនប្រារព្ធពិធីចូលឆ្នាំថ្មីនេះដោយស្ងាត់ស្ងៀម និងចៀសវាងការដើរចេញក្រៅដែលមិនចាំបាច់ចំពេលមានវិបត្តិទាំងពីរនេះ ។
ប្រព័ន្ធផ្សព្វផ្សាយ NHK បានរាយការណ៍ថា ក្រុមហ៊ុនអាកាសចរណ៍ជប៉ុន និងក្រុមហ៊ុនអាកាសចរណ៍ All Nippon Airways បានលុបចោល ឬគ្រោងនឹងលុបចោលជើងហោះហើរសរុបប្រមាណ ១៤០ ជើង ខណៈរថភ្លើងល្បឿនលឿនក៏បានផ្អាកសេវាកម្មនៅផ្នែកខ្លះនៃខេត្ត Yamagata ភាគខាងជើងពីថ្ងៃទី ៣១ ខែធ្នូ ដល់ថ្ងៃទី ១ ខែមករា ។
ប្រទេសជប៉ុនបាននិងកំពុងប្រយុទ្ធប្រឆាំងនឹងជំងឺកូវីដ ១៩ រលកទីបីនៅក្នុងប៉ុន្មានសប្តាហ៍ថ្មីៗនេះ ហើយកាលពីថ្ងៃចន្ទបានចាប់ផ្តើមរារាំងការចូលរបស់ជនបរទេស បន្ទាប់ពីរកឃើញវីរុសបម្លែងខ្លួនប្រភេទថ្មីមកពីអង់គ្លេស និងអាហ្វ្រិកខាងត្បូង ។
ចំណែកលោក Yasutoshi Nishimura រដ្ឋមន្រ្តីក្រសួងសេដ្ឋកិច្ចជប៉ុនបាននិយាយកាលពីថ្ងៃពុធថា រដ្ឋាភិបាលប្រហែលជាត្រូវពិចារណាក្នុងការប្រកាសអំពីការដាក់ប្រទេសក្នុងភាពអាសន្នប្រសិនបើចំនួនករណីឆ្លងកូវីដកើនឡើង ។
បន្ថែមពីនេះប្រជាជនត្រូវបានគេស្នើសុំឲ្យងាកទៅទស្សនាទីសក្ការៈបូជាដែលជាទិសដៅពេញនិយមតាមប្រពៃណីនៅថ្ងៃចូលឆ្នាំសកល និងចូលឆ្នាំថ្មី ។
គួរបញ្ជាក់ថា គិតត្រឹមពេលនេះប្រទេសជប៉ុនមានករណីឆ្លងជំងឺកូវីដ ១៩ ចំនួន ២២៦,៥៩៦ ករណី និងមានអ្នកស្លាប់ចំនួន ៣,៣៤៩ នាក់ ខណៈករណីឆ្លងជំងឺកូវីដបម្លែងខ្លួនប្រភេទថ្មីមាន ៨ ករណី ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ តូក្យូ បំបែកកំណត់ត្រាមួយថ្ងៃឆ្លងកូវីដជាង១,០០០នាក់ ជប៉ុនព្រមានដាក់ទីក្រុងក្នុងគ្រាអាសន្ន
ចុចអាន ៖ ធ្លាក់ព្រិលកប់រថយន្ត១,០០០គ្រឿង ស្ទះចរាចរណ៍២ថ្ងៃនៅ ជប៉ុន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង