KPT+
អំណោយសាមញ្ញៗ តែពិសេស ត្រៀមជូនអ្នកមានគុណ ក្នុងឱកាសចូលឆ្នាំសកល
យុវវ័យសម័យនេះ និយមទិញអំណោយជូនគ្នាជាវត្ថុអនុស្សាវរីយ៍ សៀវភៅ សម្លៀកបំពាក់ អលង្ការ ឬគ្រឿងតុបតែងមុខជាដើម ក្នុងឱកាសពិសេសនានា។ ក្នុងឱកាសចូលឆ្នាំថ្មី ឆ្នាំសកល ខាងមុខនេះដែរ ជឿថា ប្រិយមិត្តយើងមួយចំនួនប្រាកដជាមានបំណងទិញអំណោយជូនមនុស្សពិសេសរបស់ខ្លួនមិនខាន។
សម្រាប់ក្មេងៗ អំណោយមិនពិបាករក ឬគិតស្មុគច្រើនទេ។ ផ្ទុយទៅវិញ បើចង់ជូនអំណោយចាស់ៗ ឬឪពុកម្ដាយ អាចនឹងមិនដឹងថា ទិញអ្វីឱ្យសក្តិសម្រាប់ពួកគាត់ ព្រោះយើងមិនចេះតែទិញវត្ថុអនុស្សាវរីយ៍ជូនពួកគាត់ ដូចយុវវ័យទេ។ តោះ! កុំបាកគិតទៀត! មកមើលអំណោយសាមញ្ញៗទាំង ៣ខាងក្រោមនេះ វាអាចនឹងធ្វើឱ្យអ្នកមានគុណរបស់អ្នកសប្បាយចិត្ត បើបានជូនគាត់ក្នុងឱកាសចូលឆ្នាំសកលខាងមុខ។
១. សម្លៀកបំពាក់ថ្មី
ឪពុកម្ដាយអ្នក អាចនឹងមិនខ្វះសម្លៀកបំពាក់ប្រើប្រាស់នោះទេ ព្រោះវាជាតម្រូវការប្រចាំថ្ងៃ។ ប៉ុន្តែក្នុងឱកាសពិសេស បើបានទិញសម្លៀកបំពាក់ថ្មីមួយកំប្លេទុកជាអំណយជូនពួកគាត់ ទោះគាត់មិនខ្លះស្លៀកពាក់ក៏ដោយ ក៏គាត់សប្បាយចិត្ត ញញឹមបិទមាត់មិនជិតដែរ។
២. អាហារបំប៉នសុខភាព
មនុស្សចាស់ សុខភាពរបស់គាត់ប្រាកដជាមិនមាំទាំដូចក្មេងឡើយ។ ដូច្នេះជ្រើសរើសអាហារបំប៉នសុខភាពដូចជា កាហ្វេសុខភាព ទឹកត្រចៀកកាំ និងថ្នាំប៉ូវសុខភាពផ្សេងទៀត មិនត្រឹមតែធ្វើឱ្យពួកគាត់សប្បាយចិត្តនោះទេ ថែមទាំងជំនួយសុខភាពពួកគាត់ឱ្យល្អទៀតផង។ ចាំអីទៀត! រកមើលទិញមួយកន្រ្តកទៅ!
៣. នំ-ផ្លែឈើ
នំផ្អែម នំខ្មែរ នំបុ័ងសម្រាប់មនុស្សចាស់ និងផ្លែឈើ។ល។ ត្បិតតែសាមញ្ញ តែជាអំណោយដ៏ល្អមួយសម្រាប់កូនៗ ទិញជូនឪពុកម្ដាយទុកជាការដឹងគុណ និងបង្ហាញផងដែរថា អ្នកមិនបានភ្លេច ឬទុកពួកគាត់ចោលឡើយ។
សម្រាប់អ្នក អ្នកគិតថា អំណោយទាំង ៣នេះ គួរទិញជូនអ្នកមានគុណរបស់អ្នកដែរទេ?
អត្ថបទ៖ សន្យា
ចុចអាន៖ វិធីជ្រើសរើសអំណោយដ៏ល្អសម្រាប់តារានិករទាំង១២
ចុចអាន៖ អំណោយពិសេស ល្អបំផុតដែលកូនប្រសាស្រីចង់ថ្លែងអំណរគុណដល់ម្ដាយក្មេក
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)