ព័ត៌មានអន្ដរជាតិ
ព្យុះព្រិលដ៏សាហាវនៅអាមេរិក សម្លាប់មនុស្សកើនដល់ ៥៧នាក់ (មានវីដេអូ)
ក្រុមមន្ត្រីបាននិយាយនៅថ្ងៃអង្គារទី២៧ខែធ្នូនេះថា ព្យុះព្រិលកើតឡើងម្តងក្នុងមួយជីវិត បានសម្លាប់មនុស្សយ៉ាងតិច៥៧នាក់នៅក្នុងសហរដ្ឋអាមេរិក។
នាយកប្រតិបត្តិតំបន់ Erie ភាគខាងលិចរដ្ឋញូវយ៉ក លោក Mark Poloncarz បាននិយាយនៅក្នុងសន្និសីទសារព័ត៌មានមួយថា ចំនួនអ្នកស្លាប់ដោយសារព្យុះដ៏ខ្លាំងក្លានេះ ត្រូវបានគេរំពឹងថានឹងកើនឡើងជាបន្តទៀត ខណៈព្រិលបានបន្តគ្របដណ្តប់លើតំបន់ Erie ទាំងមូល ដែលធ្វើឲ្យផ្លូវជាច្រើននៅក្នុងតំបន់នេះ មិនអាចឆ្លងកាត់បាន រួមទាំងភាគច្រើននៃទីក្រុង Buffalo ផងដែរ។
ព្រិលត្រូវបានគេរំពឹងថានឹងធ្លាក់នៅតំបន់ Erie រហូតដល់រសៀលថ្ងៃពុធ។ នៅទូទាំងប្រទេស សីតុណ្ហភាពបានធ្លាក់ចុះ ហើយព្រិលធ្លាក់ខ្លាំង បានបណ្តាលឲ្យមនុស្សជាប់គាំងនៅក្នុងផ្ទះ និងរំខានការធ្វើដំណើរ។
ដោយលាតសន្ធឹងពី Great Lakes ក្បែរប្រទេសកាណាដា ទៅកាន់ទីក្រុង Rio Grande តាមបណ្តោយព្រំដែនម៉ិកស៊ិក ព្យុះនេះបានសម្លាប់មនុស្សយ៉ាងតិច៥៧នាក់គិតត្រឹមព្រឹកថ្ងៃអង្គារ។ ការស្លាប់ត្រូវបានកត់ត្រានៅក្នុងរដ្ឋចំនួន១២ដូចជា Colorado, Illinois, Kansas, Kentucky, Michigan, Missouri, Nebraska, New York, Ohio, Oklahoma, Tennessee និង Wisconsin។ នេះបើយោងតាមរបាយការណ៍របស់ NBC News។
មនុស្សជាច្រើននាក់បានស្លាប់ដោយសារបញ្ហាបេះដូង ពេលអាកាសធាតុចុះត្រជាក់ខ្លាំង។ អ្នកផ្សេងទៀតត្រូវបានគេប្រទះឃើញស្លាប់ នៅក្នុងរថយន្តរបស់ពួកគេ។
នៅទីក្រុង Buffalo ខ្យល់ព្យុះ និងព្រិលធ្លាក់ខ្លាំង បានបណ្តាលមនុស្សជាង ២០០០០នាក់គ្មានអគ្គិសនីប្រើប្រាស់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ NBC
ចុចអាន៖ ឆ្នាំនេះ សហរដ្ឋអាមេរិក ជួបថ្ងៃបុណ្យណូអែលដ៏គ្រោះថ្នាក់ និងរងទុក្ខ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង