ព័ត៌មានអន្ដរជាតិ
តាមពិត ក្មេងស្រីដែលទៅទីតាំងបាញ់មីស៊ីល ICBM មិនមែនជាកូនច្បងរបស់លោក គីម ជុងអ៊ុន ឡើយ
ទីភ្នាក់ងារស៊ើបការណ៍សម្ងាត់របស់ប្រទេសកូរ៉េខាងត្បូងបាននិយាយថា ក្មេងស្រីម្នាក់ដែលថ្មីៗនេះបានអមដំណើរមេដឹកនាំកូរ៉េខាងជើងលោក គីម ជុងអ៊ុន នៅឯទីតាំងបាញ់សាកល្បងមីស៊ីលផ្លោងអន្តរទ្វីប ICBM មិនមែនជាកូនច្បងរបស់លោក គីម នោះទេ ។
ទីភ្នាក់ងារស៊ើបការណ៍សម្ងាត់ជាតិរបស់កូរ៉េខាងត្បូង ឬហៅកាត់ថា (NIS) បានប្រាប់សមាជិកសភា ក្នុងអំឡុងកិច្ចប្រជុំគណៈកម្មាធិការសភាបិទទ្វារកាលពីពេលថ្មីនេះថា រូបថតរបស់លោក គីម និងក្មេងស្រី ដែលគេមើលឃើញនៅឯទីតាំងបាញ់សាកល្បងមីស៊ីល Hwasong-17 កាលពីថ្ងៃសុក្រសប្ដាហ៍មុន គឺជាកូនស្រីទី ២ របស់លោក គីម ឈ្មោះ Kim Ju Ae ។
សមាជិកសភាម្នាក់ដែលបានចូលរួមក្នុងកិច្ចប្រជុំនោះបាននិយាយថា ក្មេងស្រីនោះមានសភាពធំជាងមុនឆ្ងាយណាស់ ទើបធ្វើឲ្យទីភ្នាក់ងារយើងពិបាកប៉ាន់ស្មាន ប៉ុន្តែវាត្រូវគ្នានឹងព័ត៌មានដែលទីភ្នាក់ងារកូរ៉េខាងត្បូងមាន អំពីលក្ខណៈរាងកាយកូនទី ២ របស់លោក គីម ។
ទន្ទឹមនោះ សមាជិកសភារូបនេះបាននិយាយទៀតថា លោក គីម បាននាំកូនស្រីម្នាក់នេះទៅកន្លែងធ្វើតេស្តមីស៊ីល ដើម្បីបង្ហាញពីការប្តេជ្ញាចិត្តយ៉ាងមុតមាំរបស់លោក ចំពោះសន្តិសុខសម្រាប់មនុស្សជំនាន់ក្រោយ ។
បើយោងតាមសារព័ត៌មានបរទេសជាច្រើនបានចុះផ្សាយថា លោក គីម ជុងអ៊ុន និងភរិយាគឺលោកស្រី Ri Sol Ju ដែលបានរៀបការជាមួយគ្នាកាលពីឆ្នាំ ២០០៩ មានកូនចំនួន ៣ នាក់ ស្រី ២ នាក់ និងប្រុសម្នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ក្រោយនាំកូនស្រីទៅមើលការបាញ់មីស៊ីលហើយ តើលោក គីម ជុងអ៊ុន មានកូនប៉ុន្មាននាក់?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង