ព័ត៌មានអន្ដរជាតិ
ថៃ ចាប់សាច់ជ្រូកជាង ១ តោន នាំចេញខុសច្បាប់ពី កម្ពុជា
ប្រទេសថៃ ៖ សាច់ជ្រូកជាង ១ តោន ត្រូវបានកម្លាំងបសុពេទ្យប្រចាំខេត្តស្រះកែវ ធ្វើការបង្ក្រាប រួមជាមួយជនជាតិខ្មែរ ២ នាក់ផង ខណៈពួកគេដឹកជញ្ជូនសាច់ជ្រូកទាំងនេះតាមទូក ដើម្បីឆ្លងទឹកអូរព្រំដែន និងនាំចូលទៅលាក់ទុកក្នុងទឹកដីថៃ។
ការបង្ក្រាបសាច់ជ្រូកខុសច្បាប់នេះ បានធ្វើឡើងកាលពីល្ងាចថ្ងៃទី ២៦ ខែធ្នូ ឆ្នាំ ២០២២ ត្រង់ចំណុចភូមិ ៧ ឃុំថាខាម ស្រុកអារញ្ញប្រាថេត ខេត្តស្រះកែវ ប្រទេសថៃ ដោយកម្លាំងបសុពេទ្យខេត្តស្រះកែវ ដឹកនាំដោយលោក វិប៊ូន សិរីមង្គល រួមជាមួយនឹងកម្លាំងកងរយលេខ ១៣ ប្រចាំខ្សែបន្ទាត់ព្រំដែនថៃ-កម្ពុជា។
នៅក្នុងកិច្ចប្រតិបត្តិការនេះ ភាគីថៃបានឃាត់ខ្លួនជនជាតិខ្មែរចំនួន ២ នាក់ ដែលពួកគេកំពុងលីការុងសាច់ជ្រូកយកចេញពីទូក ទៅលាក់ទុកក្នុងខ្ទមមួយកន្លែង នៅចុងភូមិក្បែរអូរព្រំដែន ដោយពួកគេមានឈ្មោះ សេង វិធន ភេទប្រុស អាយុ ២០ ឆ្នាំ រស់នៅភូមិអូរល្ហុង ឃុំទួលពង្រ ស្រុកម៉ាឡៃ និងឈ្មោះ ឡេ ឡា ភេទប្រុស អាយុ ១៧ ឆ្នាំ រស់នៅក្រុងប៉ោយប៉ែត ខេត្តបន្ទាយមានជ័យ។
ក្នុងពេលនោះដែរ សមត្ថកិច្ចជំនាញថៃ បានដកហូតសាច់ជ្រូកចំនួន ២៦ ការុង ស្មើនឹងទម្ងន់ ១.១៤២ គីឡូក្រាម ដែលជាវត្ថុតាងខុសច្បាប់ នាំចូលទឹកដីថៃដោយគ្មានការអនុញ្ញាត។
បច្ចុប្បន្ន សមត្ថកិច្ច បានបញ្ជូនវត្ថុតាង រួមនឹងមនុស្ស ២ នាក់ ទៅកាន់ការិយាល័យជំនាញក្នុងស្រុកអារញ្ញប្រាថេត ដើម្បីអនុវត្តតាមនីតិវិធីច្បាប់៕
អត្ថបទ ៖ សោ និយមរ័ត្ន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ