ព័ត៌មានអន្ដរជាតិ
ឃាត់ខ្លួនព្រះចៅអធិការវត្តមួយអង្គ រកឃើញថ្នាំញៀនជិត២០០គ្រាប់
ព្រះសង្ឃមួយព្រះអង្គ ដែលជាចៅអធិការវត្តមួយកន្លែងក្នុងខេត្តសិង្ហបុរី ប្រទេសថៃ ត្រូវបានសមត្ថកិច្ចនាំខ្លួនទាំងកណ្តាលយប់ បន្ទាប់ពីបានរកឃើញថាព្រះសង្ឃអង្គនេះ បានប្រើប្រាស់ថ្នាំញៀនជាយូរឆ្នាំមកហើយ ដោយរកឃើញវត្ថុតាងមួយចំនួនផងដែរ។
ហេតុការណ៍ដែលធ្វើអោយមានការចលាចលព្រមទាំងមានពុទ្ធបរិស័ទចំណុះជើងវត្តមកយ៉ាងច្រើនកុះករផងនោះ បានកើតឡើងកាលពីថ្ងៃទី២៨ ខែធ្នូ ឆ្នាំ២០២២ ដោយអូសបន្លាយពេលចាប់ពីម៉ោង៤ល្ងាច ដល់ម៉ោង៨យប់ ទើបអាចឃាត់ខ្លួនព្រះសង្ឃបាន បន្ទាប់ពីបានរកឃើញវត្ថុតាងមួយចំនួន និងពិនិត្យទឹកនោមឃើញមានសារធាតុញៀនរួចមក។
តាមសម្តីប្រជាពលរដ្ឋបាននិយាយថា ពួកគាត់មានការសង្ស័យទៅលើព្រះចៅអធិការអង្គនេះប្រមាណ២ឆ្នាំមកហើយ ប៉ុន្តែដោយសារតែរកភស្តុតាងមិនមាន ទើបចេះតែអូសបន្លាយពេលមកដល់ពេលនេះ ។ ដោយឡែកសមត្ថកិច្ចបានបញ្ជាក់ថា ការផ្ទុះរឿងព្រះចៅអធិការវត្តប្រើប្រាស់ថ្នាំញៀននេះ ដោយសារតែកន្លងទៅថ្មីៗនេះ សមត្ថកិច្ចបានចាប់ខ្លួនអ្នកចែកចាយគ្រឿងញៀនម្នាក់ នៅក្នុងខេត្តសិង្ហបុរី ដោយជនសង្ស័យបានសារភាពថា ព្រះចៅអធិការអង្គនេះ ធ្លាប់ទូរស័ព្ទទៅទិញថ្នាំញៀនប្រភេទយ៉ាម៉ាចំនួន២០០គ្រាប់ ក្នុងតម្លៃ១គ្រាប់ ១០បាត ហើយលោកបានបើករថយន្តទៅយកថ្នាំដោយអង្គឯង។
ក្រោយពីមានការតានតឹងរយ:ពេលជាង៤ម៉ោង ដោយសារតែព្រះចៅអធិការវត្តមានការប្រកែកមិនព្រមសារភាព រួចមក សមត្ថកិច្ចបានបង្ខំចិត្តសម្រេចធ្វើការពិនិត្យទឹកនោម គឺជាលទ្ធផលមានសារធាតុញៀន ហើយសមត្ថកិច្ចបានឆែកឆេរនៅក្នុងកុដិប្រទះឃើញថ្នាំញៀនប្រភេទយ៉ាម៉ាចំនួន ១៩៨គ្រាប់ ដែលលាក់ទុកនៅក្នុងចានស្រាក់ រួមជាមួយសម្ភារ:សម្រាប់សេពជាច្រើនថែមទៀតផង ទើបសុំគោលការផ្សឹក និងឃាត់ខ្លួនតែម្តង ដើម្បីបញ្ជូនតាមផ្លូវច្បាប់៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ