Connect with us

ព័ត៌មានអន្ដរជាតិ

រោគសញ្ញាជំងឺកូវីដដែលកើតជាទូទៅចំពោះកុមារ ខុសពីមនុស្សពេញវ័យ

បានផុស

នៅ

ខណៈអត្រាឆ្លងវីរុសកូរ៉ូណាលើកុមារ កំពុងកើនឡើងយ៉ាងខ្លាំងនៅទូទាំងប្រទេសអង់គ្លេស រោគសញ្ញាដែលអាចកើតមានចំពោះកុមារគឺខុសគ្នាទៅនឹងមនុស្សពេញវ័យ។

ថ្វីបើកុមារមានហានិភ័យតិច នៅពេលនិយាយអំពីផលវិបាកនៃវីរុសនេះក៏ដោយ មានករណីមួយចំនួនដែលអ្នកជំងឺវ័យក្មេងត្រូវការការព្យាបាលនៅមន្ទីរពេទ្យ។

ចំពោះមនុស្សពេញវ័យ រោគសញ្ញាចម្បងគឺឡើងកម្តៅខ្លាំង ក្អកនិងលែងដឹងរសជាតិនិងក្លិន។ ហើយមនុស្សពេញវ័យដែលឈឺយូរក៏មានរោគសញ្ញាដូចជាឈឺក្បាល អស់កម្លាំង វិលមុខនិងមានបញ្ហាខួរក្បាលផងដែរ ប៉ុន្តែសញ្ញាសំខាន់ៗចំពោះកុមារគឺខុសគ្នាបន្តិចបន្តួច។

យោងតាមទិន្នន័យពី ZOE Symptom Tracker App បានឲ្យដឹងថា ភាពអស់កម្លាំងត្រូវបានចុះបញ្ជីថាជារោគសញ្ញាសំខាន់មួយក្នុងចំណោមកុមារដែលផ្ទុកវីរុសកូរ៉ូណា។ លើសពីនេះ កុមារក៏ឈឺក្បាល ឈឺបំពង់កនិងបាត់បង់ចំណង់អាហារផងដែរ។

ឈឺ​ក

យោងទៅតាមកម្មវិធីតាមដានរោគសញ្ញានេះបានឲ្យដឹងថា ៣៨ភាគរយនៃកុមារកើតកូវីដបានរាយការណ៍ថា ឈឺបំពង់ក។

ការបាត់បង់ចំណង់អាហារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា ៣៥ភាគរយនៃកុមារដែលកើតកូវីដត្រូវបានគេរាយការណ៍ថា ទទួលរងនូវបញ្ហាបាត់បង់ចំណង់អាហារ។

យោងតាមគ្រូពេទ្យបានឲ្យដឹងថា ទារកអាយុតិចជាងមួយឆ្នាំដែលធ្វើតេស្តវិជ្ជមានចំពោះជំងឺកូវីដ១៩ ទំនងជាទទួលរងនូវរោគសញ្ញានេះ។

អ្នកឯកទេសខាងគ្រូពេទ្យកុមារបានណែនាំឲ្យមាតាបិតា ព្យាយាមបំបែកអាហាររបស់កូនឲ្យទៅជាចំណែកតូចៗ ផ្តល់អាហារឲ្យពួកគេតិចតួចហើយប្រសិនបើអាចធ្វើទៅបាន ផ្តល់អាហារនៅពេលពួកគេមិនស្រួលខ្លួន។

គ្រុនក្តៅ

គ្រុនក្តៅក៏ជារោគសញ្ញាមួយក្នុងចំណោមរោគសញ្ញាសំខាន់ៗ ដែលត្រូវយកចិត្តទុកដាក់ចំពោះកុមារដែលសង្ស័យថាមានវីរុសកូរ៉ូណាផងដែរ។

ចំពោះមនុស្សធំនិងកុមារដែលមានអាយុលើសបីខែ កម្តៅលើ៣៧អង្សារត្រូវបានចាត់ទុកថាខ្ពស់។

ចំពោះកុមារនិងទារកដែលមានសីតុណ្ហភាពខ្ពស់ NHS បានណែនាំថា ទារកគួរតែទទួលបានជាតិរាវឲ្យបានច្រើនដូចជាទឹកដោះម្តាយឬទឹកដោះគោ។

ទោះបីជាកូនរបស់អ្នកមិនស្រេកទឹកក៏ដោយ ចូរព្យាយាមឲ្យពួកគេផឹកតិចៗដើម្បីរក្សាកម្រិតជាតិរាវនៅក្នុងខ្លួនពួកគេឲ្យបានខ្ពស់។

ឈឺក្បាល

យោងតាមកម្មវិធី ZOE Symptom Tracker បានឲ្យដឹងថា កុមារចំនួន៥៣ភាគរយបានរាយការណ៍ថា មានអាការៈឈឺក្បាលបន្ទាប់ពីធ្វើតេស្តវិជ្ជមានវីរុសកូរ៉ូណា។

សាស្រ្តាចារ្យ Anne MacGregor និយាយថា កុមារដែលឈឺក្បាលច្រើនតែទទួលរងបញ្ហាក្រពះក្នុងពេលតែមួយ ហើយបានណែនាំឪពុកម្តាយឲ្យសួរកូនថា តើក្បាលរបស់ពួកគេឈឺដែរឬទេប្រសិនបើពួកគេត្អូញត្អែរពីការឈឺបំពង់ក។

អស់កម្លាំង

ភាគច្រើននៃកុមារដែលកើតកូវីដបានរាយការណ៍ថា អស់កម្លាំង។

ទិន្នន័យបង្ហាញថា កុមារចំនួន៥៥ភាគរយបានទទួលរងពីរោគសញ្ញាចុះខ្សោយ។ កុមារដែលទើបចេះដើរក៏អាចងាយនឹងឆាប់ខឹងនិងយំច្រើនផងដែរ។

ភាពអស់កម្លាំងក៏ត្រូវបានចុះបញ្ជីថាជារោគសញ្ញាយូរអង្វែងចំពោះមនុស្សពេញវ័យផងដែរ។

មនុស្សពេញវ័យជាច្រើនបាននិយាយថា ពួកគេអស់កម្លាំងរយៈពេលច្រើនសប្តាហ៍ឬរាប់ខែបន្ទាប់ពីពួកគេជាសះស្បើយពីជំងឺកូវីដ១៩៕

ប្រែសម្រួលដោយ៖ Vann Vann

ប្រភព៖ Mirror

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម