រដ្ឋមន្ត្រីការបរទេសហ្គាបុង គាំងបេះដូងស្លាប់ ពេលកំពុងប្រជុំ

រដ្ឋមន្ត្រីការបរទេសហ្គាបុង បានទទួលមរណភាពកាលពីថ្ងៃសុក្រទី២០ខែមករា ដោយសារគាំងបេះដូង អំឡុងកិច្ចប្រជុំគណៈរដ្ឋមន្ត្រីរបស់ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Michael Moussa Adamo ដែលជាសម្ព័ន្ធមិត្តជិតស្និទ្ធរបស់ប្រធានាធិបតី Ali Bongo ធ្លាប់បម្រើការជាឯកអគ្គរដ្ឋទូតប្រចាំសហរដ្ឋអាមេរិក។

ប្រភព​រដ្ឋាភិបាល​​បាន​ប្រាប់ AFP ថា លោក Moussa Adamo បានស្លាប់ក្រោយបញ្ជូនទៅមន្ទីរពេទ្យ​យោធា ថ្វីបើមាន​ការ​ខិតខំ​ប្រឹងប្រែង​ពី​ក្រុម​ជំនាញ​ដើម្បី​សង្គ្រោះ​ជីវិត​គាត់​ក៏​ដោយ។

លោក Moussa Adamo អាយុ៦២ឆ្នាំ បានធ្វើការជាមួយលោក Bongo អស់រយៈពេលជាង២ទសវត្សរ៍។ គាត់ត្រូវបានតែងតាំងជាអគ្គសេនាធិការរបស់លោក Bongo នៅពេលគាត់ជារដ្ឋមន្ត្រីការពារជាតិហ្គាបុងក្នុងឆ្នាំ២០០០ ហើយបានក្លាយជាទីប្រឹក្សាពិសេសរបស់ប្រធានាធិបតីបន្ទាប់ពីការបោះឆ្នោតឆ្នាំ២០០៩។

លោក Moussa Adamo បានបន្តធ្វើជាឯកអគ្គរដ្ឋទូតរបស់ប្រទេសហ្គាបុងប្រចាំសហរដ្ឋអាមេរិកនៅចន្លោះឆ្នាំ២០១០ដល់២០២០, ធ្វើជារដ្ឋមន្ត្រីការពារជាតិចន្លោះឆ្នាំ២០២០ដល់ឆ្នាំ២០២២ និងជារដ្ឋមន្ត្រីការបរទេសចាប់តាំងពីខែមីនាឆ្នាំមុនមក៕

ប្រែសម្រួល៖ Vann Vann

ប្រភព៖ RT

ចុចអាន៖ អ្នកកាសែតអាមេរិក គាំងបេះដូងស្លាប់ ក្នុងកីឡដ្ឋានកាតា អំឡុងការប្រកួត អាហ្សង់ទីន-ហូឡង់