ព័ត៌មានអន្ដរជាតិ

ស្ត្រីកែកុនមុខមាត់ម្នាក់ ត្រៀមបំបែកកំណត់ត្រាចង្កាវែង និងមុតជាងគេលើលោក

បានផុស

២ years មុន

នៅ

ថ្ងៃពុធ ៨ កុម្ភៈ ២០២៣

ដោយ

យោងតាមប្រភពពីសារព័ត៌មាន The Sun បានបង្ហាញពីរឿងរ៉ាវរបស់ស្ត្រីជនជាតិប៊ុលហ្គារីម្នាក់ ឈ្មោះ Andrea Ivanova អាយុ ២៥ ឆ្នាំចង់បំបែកកំណត់ត្រាមានចង្កាវែង និងមុតជាងគេលើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីលើបបូរមាត់ Andrea ពីមុនបានបង្កើនទំហំសុដន់របស់នាងពី ៧៥C ទៅ ៧៥E ហើយគ្រោងនឹងធ្វើឲ្យវាកាន់តែធំលើសនេះទៀត។ ស្រ្តីរូបនេះក៏ប្រាថ្នាចង់មើលទៅដូចតុក្កតា Barbie ហើយមើលទៅខុសប្លែកពីគេទាំងស្រុង បន្ទាប់ពីបានចូលទៅក្រោមកាំបិត និងបូមបបូរមាត់ដ៏ធំដោយការចាក់ប្រចាំខែ ខណៈពេលនេះ នាងកំពុងត្រៀមបំបែកកំណត់ត្រាចង្កាវែង និងមុតជាងគេលើលោក។

ទោះបីជាយ៉ាងណា នាងក៏ត្រូវបានគ្រូពេទ្យព្រមានដែរ ការវះកាត់កែសម្ផស្សច្រើនពេកអាចបណ្ដាលឲ្យស្លាប់។ ប៉ុន្តែ Andrea មិនពេញចិត្តនឹងរូបរាងរបស់នាងនៅឡើយទេ។ នាងចង់ផ្លាស់ប្ដូរខ្លួនឯងតាមវិធីជាច្រើន ព្រោះសម្រស់ធម្មជាតិគួរឲ្យធុញទ្រាន់ ទើបនាងបានសម្រេចចិត្តផ្លាស់ប្ដូររូបរាងទាំងស្រុង។

Andrea បាននិយាយថា“ខ្ញុំមានអារម្មណ៍ល្អ និងសប្បាយចិត្តណាស់ ជាមួយនឹងមាត់ថ្មីរបស់ខ្ញុំ វាធំជាង និងស្អាតជាង។ មានទាំងការចូលចិត្ត និងមិនចូលចិត្ត។ ប៉ុន្តែខ្ញុំគិតថាវាអាស្រ័យលើខ្ញុំច្រើនជាងអ្វីដែលខ្ញុំចូលចិត្ត”។

ទោះយ៉ាងណា នេះមិនមែនជាលើកទីមួយទេដែលនាងធ្វើការកែកុនមុខមាត់ឲ្យដូចតុក្កតា Barbie ដោយកាលពីលើកមុនស្រ្តីជនជាតិប៊ុលហ្គារី Andrea ធ្លាប់បានបង្កើតកំណត់ត្រាមួយរួចទៅហើយគឺ “បបូរមាត់ធំជាងគេលើពិភពលោក” ដោយការចាក់អាស៊ីត hyaluronic នៅក្នុងបបូរមាត់របស់នាង៣០ដង ឯណោះ៕