ធ្លាយសារធាតុគីមីចេញពីរថភ្លើងក្រឡាប់ សុទ្ធតែបង្កជំងឺមហារីកដល់មនុស្ស

កាលពីថ្ងៃទី០៣ ខែកុម្ភៈកន្លងផុតទៅមានហេតុការណ៍ក្រឡាប់រថភ្លើងមួយនៅរដ្ឋ Ohio ចម្ងាយ ៥០ ម៉ាយនៅខាងក្រៅទីក្រុង Pittsburg បានកើតឡើង ប៉ុន្តែមិនមានការរាយការណ៍ណាមួយបង្ហាញពីអ្នករបួស ឬអ្នកស្លាប់ឡើយ ។

គេសង្ស័យថាគ្រោះថ្នាក់នេះកើតឡើងដោយសារបញ្ហាមេកានិចព្រោះកាមេរ៉ាសុវត្ថិភាពថតបានខ្លួនរថភ្លើងបែកផ្កាភ្លើងមុនក្រឡាប់ ។

​បើ​យោង​តាម​លោក Karen Dannemiller សាស្ត្រាចារ្យ​រង​ផ្នែក​វិទ្យាសាស្ត្រ​សុខភាព​បរិស្ថាន​នៅ​សាកលវិទ្យាល័យរដ្ឋ Ohio បានឲ្យដឹងថា ទីភ្នាក់ងារការពារបរិស្ថានអាមេរិកមិន​​ដឹង​ពី​បរិមាណ​សារធាតុ​គីមីដែលធ្លាយថា​មាន​គ្រប់​គ្រាន់​ដើម្បី​បង្ក​ហានិភ័យ​ដល់​សុខភាព​ឬ​យ៉ាង​ណា​នោះទេ​ ។

ជាក់ស្ដែងទីភ្នាក់ងារការពារបរិស្ថានអាមេរិកពិតជាមិនទាន់រកឃើញកម្រិតគ្រោះថ្នាក់គួរឲ្យកត់សម្គាល់នៃសារធាតុគីមីទាំងនេះមែន ទោះបីជាអ្នកស្រុកមួយចំនួនកំពុងរាយការណ៍ពីករណីសត្វងាប់ និងមនុស្សមិនស្រួលខ្លួននៅក្នុងតំបន់កើតហេតុក៏ដោយ ។

ការសិក្សាជាច្រើនរកឃើញផលប៉ះពាល់ពីសារធាតុគីមីដែលបានបញ្ចេញពេលរថភ្លើងក្រឡាប់ វាអាចបណ្តាលឱ្យមានបញ្ហាក្នុងរយៈពេលខ្លីដូចជាវិលមុខ ចង្អោរ និងរលាកភ្នែក និងមាត់ជាដើម ។

គួរបញ្ជាក់ដែរថាសារធាតុគីមីទាំង ៦ ប្រភេទមានដូចជា វីនីលក្លរីត, បង់សែន, Ethylene glycol monobutyl ether, Butyl acrylate, Ethylhexyl acrylate និងអ៊ីសូប៊ូទីលីន ៕

ប្រែសម្រួល ៖ វារី

ប្រភព ៖ Insider

ចុចអាន ៖ ធ្លាយឧស្ម័នពុលនៅកំពង់ផែ ហ្ស៊កដានី សម្លាប់មនុស្ស១១នាក់ របួសជាង ២៥០នាក់