ព័ត៌មានអន្ដរជាតិ
អាជ្ញាធរថៃបង្ក្រាបមុខសញ្ញាជួញដូរថ្នាំញៀនរកឃើញប្រាក់ជាង១០លានបាត និងថ្នាំញៀនមួយចំនួនធំ
កម្លាំងសមត្ថកិច្ចប្រឆាំងគ្រឿងញៀនបានប្រើពេល៦ម៉ោង ដើម្បីរាប់ក្រដាសប្រាក់២០បាត ដ៏ច្រើនសន្ធឹកសន្ធាប់ និងមិនធ្លាប់ជួបប្រទះ ខណ:ដែលសមត្ថកិច្ចថៃចូលឃាត់ខ្លួនមុខសញ្ញាជួញដូរគ្រឿងញៀនមួយកន្លែង។
ការបង្ក្រាបនេះគឺបានធ្វើឡើងកាលពីព្រលប់ថ្ងៃទី២៨ ខែកុម្ភ: ឆ្នាំ២០២៣ នៅក្នុងទីតាំងហាងមួយកន្លែងកណ្តាលទីក្រុងបាងកក ដោយអនុវត្តតាមសាលដីការបស់តុលាការ ដែលបានចោទប្រកាន់ទៅលើម្ចាស់ហាងដែលមានឈ្មោះ ឆៃ វ៉ាត់ ពីបទជួញដូរគ្រឿងញៀន ។
យោងតាមរបាយការណ៍សមត្ថកិច្ចបានបញ្ជាក់ថា កន្លងមកសមត្ថកិច្ចធ្លាប់បានបង្ក្រាបទៅលើមុខសញ្ញាដឹកជញ្ជូន និងចែកចាយថ្នាំញៀនចំនួន២ករណី ទី១ គឺឃាត់ខ្លួនមុខសញ្ញាម្នាក់នៅក្នុងខេត្តផាត់តាលុង ដោយបានដកហូតថ្នាំញៀនប្រភេទម៉ាទឹកកកទម្ងន់ ៣០០ kg ដោយជនសង្ស័យបានសារភាពថា ឈ្មោះ ឆៃ វ៉ាត់ ជាអ្នកជួលអោយដឹកយកទៅអោយម៉ូយនៅខេត្តផាត់តាលុង។
របាយការណ៍របស់សមត្ថកិច្ចបានបន្តថា មុខសញ្ញាទី២ដែលចាប់ខ្លួនបាន គឺមានចំនួន៣នាក់ នៅក្នុងខេត្តផាត់តាលុងដូចគ្នា ដោយដកហូតបានថ្នាំញៀនប្រភេទយ៉ាម៉ា ចំនួន៧លានគ្រាប់ និងលុយ១១លានបាត ដោយពួកគេបានសារភាពថា ជាការដឹកជញ្ជូនអោយឈ្មោះ ឆៃ វ៉ាត់ ដូចគ្នា ទើបតុលាការចេញដីកាចាប់ខ្លួនតែម្តង។
នៅក្នុងកិច្ចប្រតិបត្តិការនេះ សមត្ថកិច្ចថៃបានដកហូតលុយប្រភេទក្រដាស ២០ បាត ចំនួន៣លាន ៥សែនបាត និងក្រដាសប្រាក់ផ្សេងៗទៀត ៧លានបាត បារីអគ្គិសនី ចំនួន១៥០ដើម ថ្នាំញៀនប្រភេទម៉ាទឹកកក មួយចំនួន និងជញ្ជីងសម្រាប់ថ្លឹងថ្នាំញៀន១គ្រឿង ។ ដោយបច្ចុប្បន្នបើទោះបីជាមុខសញ្ញាបានបដិសេធថា មិនដែលស្គាល់អ្នកណាម្នាក់នៅខេត្តផាត់តាលុងក៏ដោយ ក៏សមត្ថកិច្ចត្រៀមបញ្ជូនខ្លួនទៅតុលាការហើយដើម្បីអនុវត្តតាមផ្លូវច្បាប់ ៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី