ព័ត៌មានអន្ដរជាតិ
តម្រុយខ្លះៗដែលធ្វើឲ្យ Elon Musk ប្ដូរឡូហ្គោ Twitter ទៅជារូបសុនខ
លោកមហាសេដ្ឋី Elon Musk បានធ្វើឲ្យមនុស្សជាច្រើនភ្ញាក់ផ្អើលយ៉ាងខ្លាំងកាលពីពេលថ្មីៗនេះ បន្ទាប់ពីបានប្តូរឡូហ្គោបណ្ដាញសង្គម Twitter ទៅជារូបសុនខ (ឆ្កែ) វិញ ដែលគេស្គាល់ថាជា រូបិយប័ណ្ណគ្រីបតូ dogecoin ។
បន្ទាប់ពីប្តូររួច Elon Musk បានបង្ហោះនៅលើ Twitter នូវរូបឆ្កែបើកឡានដែលត្រូវបានប៉ូលីសផាកពិន័យ ។ ប៉ុន្តែការបង្ហោះបែបនេះ មិនដឹងថាលោកមានចេតនាបែបណានោះទេ ។
ប៉ុន្តែមានហេតុផលមួយប្រហែលជាជំរុញឲ្យលោកប្តូរឡូហ្គោនោះគឺ ការគោរពសន្យា ។ មុនពេលកាន់តំណែងជា CEO Twitter លោកត្រូវបានអ្នកគាំទ្រស្នើឲ្យប្តូរឡូហ្គោទៅជា “រូបសុនខ” ដែលតំណាងឲ្យរូបិយប័ណ្ណគ្រីបតូ dogecoin ។ មិនតែប៉ុណ្ណោះ លោកធ្លាប់បានបង្ហោះរូបសត្វឆ្កែអង្គុយលើកៅអី ហើយបានដាក់ Caption ថា “CEO ថ្មីរបស់ Twitter ពិតជាអស្ចារ្យមែន” ។
ដោយឡែក ចំពោះលោក Elon Musk ក៏ជាមនុស្សម្នាក់លេងរូបិយប័ណ្ណ dogecoin នេះផងដែរ ។ រំលឹកទៅកាលឆ្នាំ ២០២១, Elon Musk ចាប់ផ្តើមទទួលយកការទូទាត់រូបិយប័ណ្ណ dogecoin សម្រាប់ការទិញរថយន្ត Tesla ។ ពេលនោះ តម្លៃរូបិយប័ណ្ណនេះកើនឡើងជាង ២០ ភាគរយ ហើយស្របពេលដែល dogecoin កាន់តែមានតម្លៃ វាក៏បានជំរុញឲ្យរូបិយប័ណ្ណគ្រីបតូ កើនឡើងដូចគ្នា ពោលឡើងដល់ ១៥ ភាគរយ ។
មួយវិញទៀត បើតាមការសន្និដ្ឋាន វាមិនត្រឹមតែជាការលេងសើច ឬគោរពសន្យានោះឡើយ វាក៏អាចជាជាការធ្វើទីផ្សារ ក៏ដូចជាជួយផ្សព្វផ្សាយរូបិយប័ណ្ណនេះផងដែរ ។
គួរបញ្ជាក់ថា នៅពេលដែលលោកប្តូរឡូហ្គោនេះហើយ បានធ្វើឲ្យតម្លៃនៃរូបិយប័ណ្ណ dogecoin កើនឡើងជាង ៣០ ភាគរយ ពោលពី ០.០៧៩ ដល់ ០.០៩៤ ដុល្លារក្នុងមួយហ៊ុន ៕
ប្រែសម្រួលដោយ ៖ នាង រតនៈ
ប្រភព ៖ Mint
-
ព័ត៌មានអន្ដរជាតិ៣ ថ្ងៃ agoព្រឹទ្ធសភាថៃ កោះហៅ Boonsin Padklang ទៅបំភ្លឺ រឿងមិនស្តាប់តាមបញ្ជារដ្ឋាភិបាល
-
ព័ត៌មានជាតិ១ សប្តាហ៍ agoកោះរ៉ុងកាន់តែអភិវឌ្ឍ អនាគតជាគោលដៅសម្រាកលំហែកាយអ្នកជំនួញបច្ចេកវិទ្យាធំៗ
-
ព័ត៌មានអន្ដរជាតិ៧ ថ្ងៃ agoប្រមុខការពារជាតិថៃ៖ កម្ពុជាត្រូវបំពេញ២លក្ខខណ្ឌដើម្បីដោះលែងទាហានខ្មែរ និង៤លក្ខខណ្ឌសម្រាប់ការបើកព្រំដែន
-
ព័ត៌មានអន្ដរជាតិ១ សប្តាហ៍ agoថៃបញ្ជាក់ថា ការដោះលែងទាហានខ្មែរ១៨នាក់ថ្ងៃទី១២វិច្ឆិកា មិនមែនមកពីសម្ពាធអាមេរិកទេ
-
ព័ត៌មានអន្ដរជាតិ២០ ម៉ោង agoសារព័ត៌មាន Newsweek៖ សម្ព័ន្ធមិត្តសន្ធិសញ្ញារបស់អាមេរិក កំពុងសាកល្បងអំណាចរបស់ ត្រាំ
-
ព័ត៌មានជាតិ៧ ថ្ងៃ agoផ្លូវក្នុងក្រុងបាត់ដំបងខូចពិបាកធ្វើដំណើរ នឹងសម្រុកស្ថាបនាឡើងវិញក្រោយផុតរដូវភ្លៀង
-
ព័ត៌មានជាតិ១ សប្តាហ៍ agoកម្ពុជា-ថៃ គ្រោងដកយុទ្ធោបករណ៍ចេញពីព្រំដែនម្ដងទៀតនៅថ្ងៃទី០៨ ខែវិច្ឆិកា ខណៈថៃធ្លាប់ព្រមានប្រើកម្លាំងយោធាដណ្ដើមយកប្រាសាទតាក្របី
-
ព័ត៌មានជាតិ១៩ ម៉ោង agoកម្ពុជា បញ្ជូនពលករថៃ ២៨ នាក់ ទៅកាន់ប្រទេសកំណើត តាមច្រកទ្វារព្រំដែនចាំយាម