Connect with us

ព័ត៌មានអន្ដរជាតិ

លោក ប្រាយុទ្ធ ព្រមានបក្សឈ្នះឆ្នោត! ទាហាន និងប៉ូលិស ប្រឆាំង​​ការ​ធ្វើ​វិសោធនកម្ម ច្បាប់​ប្រមាថ​ព្រះមហាក្សត្រ 

បានផុស

នៅ

កាលពីថ្ងៃពុធទី៣១ខែឧសភា នាយក​រដ្ឋមន្ត្រី​​ផុត​អាណត្តិ​ថៃ លោក ប្រាយុទ្ធ ចាន់អូចា បាន​ព្រមាន​គណបក្ស​ចលនាឆ្ពោះ​ទៅ​មុខ ​ប្រឆាំង​នឹង​ការ​ធ្វើ​វិសោធនកម្ម ច្បាប់​ប្រមាថ​ព្រះមហាក្សត្រ។

លោក ប្រាយុទ្ធ​ ថ្លែងទៅកាន់អ្នកសារព័ត៌មាន​ (រូបថត៖ Nation)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប្រាយុទ្ធ ប្រាប់អ្នកសារព័ត៌មាន បន្ទាប់ពីកិច្ចប្រជុំក្រុមប្រឹក្សាការពារជាតិ នៅក្រសួងការពារជាតិថា ទាហាន ប៉ូលិស និងប្រជាជនថៃជាច្រើននាក់ទៀត មិនយល់ស្របនឹងផែនការរបស់គណបក្សចលនាឆ្ពោះទៅមុខ ក្នុងការកែប្រែមាត្រា១១២ នោះទេ។

នៅ​ពេល​សួរ​ថា​ តើ​លោក​ប្រឆាំង​នឹង​ការ​ធ្វើ​វិសោធនកម្ម​មាត្រា ​១១២ ​ឬក៏​អត់ លោក​ ប្រាយុទ្ធ​ ឆ្លើយ​ថា “ពិត​ណាស់! វាត្រូវតែជាវិធីនោះ។ វា​ស្ថិត​នៅ​ក្នុង​បេះដូង​ទាហាន ប៉ូលិស មន្ត្រី​រាជការ និង​មនុស្ស​ជា​ច្រើននាក់ទៀត។ ពួកគេមិនយល់ព្រម ហើយពួកគេឆ្ងល់ថា តើហេតុអ្វីបានជាគណបក្សចលនាឆ្ពោះទៅមុខ ចង់កែប្រែច្បាប់នេះ”។

លោក ប្រាយុទ្ធ ដែលដឹកនាំរដ្ឋប្រហារក្នុងឆ្នាំ២០១៤ ហើយគ្រប់គ្រងប្រទេសថៃចាប់តាំងពីពេលនោះមក បានប្រាប់អ្នកសារព័ត៌មានថា យោធាមានផែនការកំណែទម្រង់ផ្ទាល់ខ្លួន។

ទាហានថៃ (រូបថត៖ GETTY IMAGES)

លោក ប្រាយុទ្ធ ពន្យល់ថា “ដើម្បី​ផ្លាស់ប្តូរ​កងកម្លាំងប្រដាប់អាវុធ យើងត្រូវតែ​យក​បរិបទ​របស់​ថៃ​មក​ពិចារណា​ផងដែរ។ ថៃមិនដូចប្រទេសដទៃទេ វាមិនសមស្របឡើយ ក្នុងការប្រើប្រាស់គំរូរបស់ប្រទេសដទៃ យកមកធ្វើកំណែទម្រង់យោធារបស់យើង”។

គួរបញ្ជាក់ថា គណបក្សចលនាឆ្ពោះទៅមុខ បានសន្យាក្នុងអំឡុងយុទ្ធនាការឃោសនាបោះឆ្នោតថា ខ្លួននឹងធ្វើវិសោធនកម្មមាត្រា១១២ ដើម្បីកុំឲ្យច្បាប់នេះ ត្រូវបានប្រើប្រាស់ជាឧបករណ៍នយោបាយតទៅទៀត។

ប៉ុន្តែបន្ទាប់ពីគណបក្សចលនាឆ្ពោះទៅមុខ បានឈ្នះការបោះឆ្នោតថ្ងៃទី១៤ខែឧសភា ខ្លួនបានទុកការកែប្រែមាត្រា១១២នេះ នៅក្រៅអនុស្សរណៈនៃការយោគយល់គ្នា ដែលខ្លួនបានចុះហត្ថលេខាជាមួយគណបក្សចំនួនប្រាំពីរផ្សេងទៀត ដែលជាផ្នែកនៃក្រុមចម្រុះរបស់ខ្លួន។ MoU នោះ បញ្ជាក់ថា គណបក្សចលនាឆ្ពោះទៅមុខ នឹងស្វែងរកការកែប្រែមាត្រា១១២ ដោយខ្លួនឯង។ គណបក្សក៏ប្តេជ្ញា កាត់បន្ថយទំហំយោធា និងបញ្ចប់ការរើសទាហានផងដែរ៕

ប្រែសម្រួល៖ Vann Vann

ប្រភព៖ Nation

ចុចអាន៖ អនាគតនាយករដ្ឋមន្ត្រីថ្មីរបស់ ថៃ ប្រាប់ឈ្មោះកោះដែលបក្សនឹងអនុវត្ត គោលនយោបាយតាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម