មេខ្លោង​ស្ទើរតែ​ទាំងអស់ ​នៃ​ការវាយប្រហារ​នៅវៀតណាម ត្រូវបាន​ចាប់ខ្លួន

ក្រសួងសន្តិសុខសាធារណៈវៀតណាម បានបញ្ជាក់កាលពីថ្ងៃសុក្រទី១៦ខែមិថុនាថា ជនសង្ស័យជាង៥០នាក់ដែលជាប់ពាក់ព័ន្ធក្នុងការវាយប្រហារ លើការិយាល័យគណៈកម្មាធិការប្រជាជនចំនួនពីរ ក្នុងខេត្ត Dak Lak ត្រូវបានចាប់ខ្លួន ដោយក្នុងនោះរួមមានទាំងមេខ្លោងភាគច្រើនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងក្រសួងសន្តិសុខសាធារណៈនិយាយថា ជនសង្ស័យភាគច្រើនគឺជាយុវជននៃក្រុមជនជាតិភាគតិចនៅក្នុងខេត្ត Dak Lak។ ជនសង្ស័យនិយាយថា ពួកគេត្រូវបានញុះញង់និងបង្ខំឲ្យធ្វើរឿងនេះ ដោយមានអ្នកសន្យាថា នឹងនាំពួកគេទៅក្រៅប្រទេស។

មេខ្លោងម្នាក់ឈ្មោះ Y Tho Ayun អាយុ៣៥ឆ្នាំ ឬគេស្គាល់ថា Ama Kzruh បានប្រាប់អាជ្ញាធរថា គាត់ញុះញង់អ្នកភូមិនៅ Dak Lak ឲ្យបើកការបាញ់ប្រហារលើការិយាល័យនៅក្នុងឃុំ Ea Ktur និង Ea Tieu។ គាត់​​សារភាព​ថា គាត់​បានចុច​ឈ្មោះ​មនុស្សដែលគាត់​ទុក​ចិត្ត​ប៉ុណ្ណោះ។

គួរបញ្ជាក់ថា មកទល់ពេលនេះ ក្រសួងសន្តិសុខសាធារណៈ និយាយថា ខ្លួននឹងចាត់វិធានការចាំបាច់ទាំងអស់ ដើម្បីស្វែងរកជនសង្ស័យផ្សេងទៀតនៅក្នុងការវាយប្រហារនោះ៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ចាប់បានមេខ្លោងម្នាក់ ពាក់ព័ន្ធការវាយប្រហារ នៅខេត្តជាប់ កម្ពុជា