ព័ត៌មានអន្ដរជាតិ
ហ្វីលីពីន បញ្ជាឲ្យជម្លៀសមនុស្សជាបន្ទាន់ មុនព្យុះកំណាច Doksuri វាយប្រហារ
ព្យុះទីហ្វុងដ៏ខ្លាំងមួយ កំពុងបោកបក់ឆ្ពោះទៅភាគខាងជើងប្រទេសហ្វីលីពីននៅថ្ងៃអង្គារទី២៥ខែកក្កដា ដែលបង្កឲ្យមានការបញ្ជាជម្លៀសមនុស្សចេញពីសហគមន៍នៅតាមឆ្នេរសមុទ្រ ជាបន្ទាន់។
ព្យុះទីហ្វុង Doksuri នាំមកជាមួយកម្លាំងខ្យល់អតិបរមា១៨៥គីឡូម៉ែត្រក្នុងមួយម៉ោង ខណៈវាបោះពួយឆ្ពោះទៅចុងភាគខាងជើងនៃកោះ Luzon។
យោងតាមទីភ្នាក់ងារអាកាសធាតុហ្វីលីពីន, ព្យុះនេះត្រូវបានគេរំពឹងថា នឹងបង្កជាបំណាក់ដី និងឆ្លងកាត់កៀកកោះ Babuyan ឬខេត្ត Cagayan ភាគឦសានត្រឹមថ្ងៃពុធទី២៦ខែកក្កដា។ បន្ទាប់មកវានឹងសំដៅទៅកោះតៃវ៉ាន់ និងភាគអាគ្នេយ៍ប្រទេសចិន។
សហគមន៍ឆ្នេរសមុទ្រនៅខេត្ត Cagayan ត្រូវបានបញ្ជាឲ្យជម្លៀសមនុស្សចេញពីផ្ទះសម្បែងរបស់ពួកគេ ជាមួយនឹងការព្យាករថា កម្ពស់ទឹករលកនឹងឈានដល់ ៣ម៉ែត្រ។
ស្របពេលជាមួយគ្នានោះ លេខាធិការវិទ្យាសាស្ត្រ និងបច្ចេកវិទ្យាលោក Renato Solidum និយាយថា មនុស្សចាំបាច់ត្រូវត្រៀមខ្លួនសម្រាប់ព្យុះទីហ្វុងនេះ ព្រោះអ្វីៗកើតឡើងលឿនណាស់។
គួរបញ្ជាក់ថា ប្រទេសហ្វីលីពីន ត្រូវរងការវាយប្រហារដោយព្យុះធំៗចំនួន២០ជារៀងរាល់ឆ្នាំ ដែលសម្លាប់មនុស្សរាប់រយនាក់។
អ្នកវិទ្យាសាស្ត្រព្រមានថា ព្យុះបែបនេះ នឹងកាន់តែបង្កើនឥទ្ធិពលខ្លាំងឡើងៗ នៅពេលពិភពលោកកាន់តែក្តៅ ដោយសារតែបម្រែបម្រួលអាកាសធាតុ៕
ប្រែសម្រួល៖ Vann Vann
ប្រភព៖ CNA
ចុចអាន៖ ក្រសួងធនធានទឹក៖ កម្ពុជា នឹងមានភ្លៀងធ្លាក់ លាយឡំផ្គរ រន្ទះ និងខ្យល់កន្ត្រាក់ក្នុងសប្តាហ៍នេះ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង