ព័ត៌មានជាតិ

កម្ពុជាគ្រោងធ្វើទំនើបកម្មប្រព័ន្ធតាមដានគុណភាពខ្យល់ ដី និងទឹក ដោយមានកិច្ចសហការពីជប៉ុន

បានផុស

៥ ខែ មុន

នៅ

ថ្ងៃចន្ទ ១៦ កុម្ភៈ ២០២៦

ដោយ

ក្រសួងបរិស្ថានបានបង្ហាញពីបំណងក្នុងការធ្វើទំនើបកម្មប្រព័ន្ធតាមដានគុណភាពខ្យល់ ដី និងទឹក ដើម្បីការពារសុខភាពសាធារណៈឱ្យកាន់តែប្រសើរ។ គម្រោងនេះនឹងមានកិច្ចសហការពីប្រទេសជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈព័ត៌មានដែលបង្ហោះលើហ្វេសបុកផេកនៅថ្ងៃទី១៦ ខែកុម្ភៈនេះ រដ្ឋមន្ត្រីក្រសួងបរិស្ថានលោក អ៊ាង សុផល្លែត បានចុះហត្ថលេខាលើអនុស្សរណៈនៃកិច្ចសហប្រតិបត្តិការចំនួន៤ជាមួយរដ្ឋមន្ត្រីក្រសួងបរិស្ថានជប៉ុនលោក ISHIHARA Hirotaka ដោយក្នុងនោះក៏មាន MOC អំពីការការពារការបំពុលទឹក ដី និងខ្យល់ផងដែរ។

ដោយឡែកអនុស្សរណៈនៃកិច្ចសហប្រតិបត្តិការ៣ទៀតរួមមាន ការកាត់បន្ថយ និងការសម្របខ្លួនទៅនឹងការប្រែប្រួលអាកាសធាតុ អនុស្សរណៈនៃកិច្ចសហប្រតិបត្តិការលើសេដ្ឋកិច្ចចម្រុះ និងអនុស្សរណៈនៃការអភិរក្សជីវៈចម្រុះ ក៏ត្រូវបានចុះហត្ថលេខាផងដែរ។

ការធ្វើកិច្ចសហការពីជប៉ុនលើការធ្វើទំនើបកម្មប្រព័ន្ធតាមដានគុណភាពខ្យល់ ដី និងទឹកនេះ ស្របគ្នានឹងការចោទជាសំណួរពីអ្នកប្រើប្រាស់បណ្ដាញសង្គម និងមហាជនជាច្រើន ក្នុងរាជធានីភ្នំពេញលើប្រព័ន្ធតាមដានគុណភាពខ្យល់ក្នុងរាជធានីកាលពីកន្លងទៅ ក្នុងពេលដែលប្រព័ន្ធតាមដានអន្តរជាតិបង្ហាញពីគុណភាពខ្យល់ក្នុងរាជធានីខុសពីប្រព័ន្ធតាមដានរបស់ក្រសួង៕