ព័ត៌មានអន្ដរជាតិ

លោក សេតថា ចេញការសុំទោសប្រជាជនមួយក្រុម ក្រោយគប់ប៊ិចទាំងកំហឹងក្នុងកិច្ចប្រជុំមួយ

បានផុស

៣ years មុន

នៅ

ថ្ងៃចន្ទ ៤ កញ្ញា ២០២៣

ដោយ

បន្ទាប់ពីវីដេអូឃ្លិបមួយបានផុសឡើងបង្ហាញឲ្យឃើញលោកនាយករដ្ឋមន្ត្រី សេតថា ថាវីស៊ីន គប់ប៊ិចចោលក្នុងកិច្ចពិភាក្សាជាមួយក្រុមអ្នករត់ម៉ូតូឌុប កាលពីថ្ងៃទី០២ ខែកុម្ភៈ ភ្លាមៗប្រជាជនថៃជាច្រើនបានសម្រុករិះគន់តាមបណ្តាញសង្គមថា លោកជាមនុស្សខឹងសម្បារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកនៅថ្ងៃទី០៤ ខែកញ្ញានេះ នាយករដ្ឋមន្ត្រីទី៣០របស់ថៃ បានផ្តល់បទសម្ភាសន៍ទាក់ទងនឹងបញ្ហានេះថា លោកសោកស្ដាយខ្លាំងចំពោះរូបភាពដែលបានបញ្ចេញជាសាធារណៈ វាអាចបង្ហាញពីការមិនពេញចិត្តនិងយល់ខុសពីសាធារណជន។

ទន្ទឹមនោះ លោកសេតថាបានរៀបរាប់ពីស្ថានភាពដែលកើតឡើងក្នុងថ្ងៃនោះប្រាប់សារព័ត៌មានដោយបញ្ជាក់ថា មានការពិភាក្សាជាមួយអ្នករត់ម៉ូតូឌុបលើបញ្ហាជាច្រើនដែលត្រូវផ្ដល់យោបល់។ លោកខ្លាចមិនអាចសរសេរព័ត៌មានលម្អិតបានទាន់ពេលនិងមានសំណួរជាច្រើនត្រូវឆ្លើយទាក់ទងនឹងបញ្ហាការងារ។ នៅពេលដែលប៊ិចអស់ទឹក លោកប្រញាប់សុំថ្មី។ ប៉ុន្តែមិនបានបោះវាចោលទេ គ្រាន់តែដាក់វាចុះប៉ុណ្ណោះ។

លោក សេតថា ក៏ មានប្រសាសន៍បន្ថែមទៀតថា “ខ្ញុំយល់ថាខ្ញុំជាបុគ្គលសាធារណៈ។ ការធ្វើអ្វីមួយតម្រូវឲ្យមានការប្រុងប្រយ័ត្ន។ ព្រោះរូបភាពដែលបញ្ចេញមិនបានឆ្លុះបញ្ចាំងពីអារម្មណ៍របស់ខ្ញុំទេ។ ប៉ុន្តែអ្នកដែលមើលប្រហែលជាយល់ខុស។ ខ្ញុំសូមទោស ហើយនឹងប្រុងប្រយ័ត្នបន្ថែមទៀត។ ឥឡូវនេះ ខ្ញុំត្រូវរៀបចំប៊ិចជាច្រើនមិនឲ្យខ្វះខាតទេ”៕