ព័ត៌មានអន្ដរជាតិ
ចិន ធ្វើសមយុទ្ធក្បែរកោះតៃវ៉ាន់ ដើម្បីប្រឆាំងភាពក្រអឺតក្រទម របស់កងកម្លាំងបំបែកខ្លួន
ប្រទេសចិន បានគូសបញ្ជាក់កាលពីថ្ងៃពុធទី២៧ខែកញ្ញាថា សមយុទ្ធរបស់ខ្លួននៅជិតកោះតៃវ៉ាន់នាពេលថ្មីៗនេះ គឺមានគោលបំណងប្រឆាំងនឹង “ភាពក្រអឺតក្រទម” នៃកងកម្លាំងបំបែកខ្លួន។
ទន្ទឹមនោះ កោះតៃវ៉ាន់ ដែលចិនអះអាងថាជាទឹកដីរបស់ខ្លួន បាននិយាយនៅខែនេះថា រដ្ឋាភិបាលទីក្រុងតៃប៉ិបានសង្កេតឃើញយន្តហោះចម្បាំង ដ្រូន យន្តហោះទម្លាក់គ្រាប់បែក និងយន្តហោះជាច្រើនគ្រឿង ក៏ដូចជានាវាចម្បាំង និងនាវាផ្ទុកយន្តហោះចិន Shandong ផងដែរ កំពុងធ្វើប្រតិបត្តិការនៅក្បែរនោះ។
កាលពីថ្ងៃពុធ ក្រសួងការពារជាតិតៃវ៉ាន់ បានរាយការណ៍ពីសកម្មភាពយោធាចិនបន្ថែមទៀត ដោយនិយាយថា ខ្លួនបានប្រទះឃើញនិងឆ្លើយតប ទៅនឹងយន្តហោះចិនចំនួន១៦គ្រឿងដែលចូលមកក្នុងតំបន់កំណត់អត្តសញ្ញាណការពារដែនអាកាសរបស់កោះនេះ ក្នុងរយៈពេល២៤ម៉ោងចុងក្រោយ។
ចំណែក រដ្ឋមន្ត្រីការពារជាតិតៃវ៉ាន់ ព្រមានថា សកម្មភាពញឹកញាប់យោធារបស់ចិន បានបង្កើនហានិភ័យនៃព្រឹត្តិការណ៍ដែលមិនអាចគ្រប់គ្រងបាន និងបង្កឲ្យមានការប៉ះទង្គិចគ្នាដោយចៃដន្យ។
នៅពេលអ្នកសារព័ត៌មានសួរនាំអំពីសមយុទ្ធ និងក្តីបារម្ភរបស់តៃវ៉ាន់អំពីការកើនឡើងហានិភ័យនេះ, លោកស្រី Zhu Fenglian អ្នកនាំពាក្យការិយាល័យកិច្ចការតៃវ៉ាន់របស់ប្រទេសចិន បានប្រាប់សន្និសីទសារព័ត៌មាននៅទីក្រុងប៉េកាំងថា “គោលបំណងនៃសមយុទ្ធរបស់យើង គឺដើម្បីប្រយុទ្ធប្រឆាំងនឹងភាពក្រអឺតក្រទមរបស់កងកម្លាំងបំបែកខ្លួនឯករាជ្យតៃវ៉ាន់ និងសកម្មភាពរបស់ពួកគេក្នុងការស្វែងរកឯករាជ្យភាព”។
លោកស្រីបន្ថែមថា “ការញុះញង់ឯករាជ្យភាពរបស់តៃវ៉ាន់ នៅតែបន្តរាល់ថ្ងៃ ហើយសកម្មភាពរបស់កងទ័ពរំដោះប្រជាជន ដើម្បីការពារអធិបតេយ្យជាតិ និងបូរណភាពទឹកដី តែងតែបន្ត”។
ស្របពេលជាមួយគ្នានោះ លោកស្រីបានជំរុញឲ្យប្រជាជនតៃវ៉ាន់ បែងចែករវាងខុសនិងត្រូវហើយប្រឆាំងដាច់ខាតចំពោះឯករាជ្យភាពសម្រាប់កោះនេះ និងធ្វើការជាមួយចិនដើម្បីរក្សាសន្តិភាព និងស្ថិរភាពនៅច្រកសមុទ្រតៃវ៉ាន់៕
ប្រែសម្រួល៖ Vann Vann
ប្រភព៖ CNA
ចុចអាន៖ ចិន បញ្ជូននាវាចម្បាំង និងនាវាមុជទឹក ទៅថៃ ដើម្បីធ្វើសមយុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ